Zapore indartzaile

Zapore indartzailea jakien zaporea areagotzeko erabiltzen den konposatu kimikoa da (elikagai-gehigarria). Prozesatutako jaki ugaritan erabiltzen dira, hauen kontserbazio luzeago baterako edota kontsumorako erakargarriago egiteko. "Indartzaile" hitzak berezko zaporerik ez duela iradokitzen duen arren, ez da benetan horrela. Mendebaldeko jendarteak hainbat urtean izendatu ez duen bostgarren zaporea (umami) gehitzeko balio dute, batez ere glutamato monosodikoak.

Bete beharreko baldintzak

Ezinbestekoak, eraginkorrak eta zihurrak izan behar dute. Ezinbestekotzat jotzeko, elikagai horiek kontserbatzeko beste modurik ez dagoela frogatu behar da. Baldintza hori frogatzea erraza da kontserbagarrietan eta antioxidatzaileetan, ez ordea gehigarri estetikoetan. Ziurrak direla frogatzeko, aldiz, FAO/ /OMEko gehigarriei buruzko aditu-taldeak erabakitzen du. Erabakia hartu aurretik, bi espezietako animaliekin probak egin eta, arazorik sortzen ez bada, pertsona bakoitzak egunean gehienez har dezakeen dosia finkatzen dute. Herrialde bakoitzak bere zerrenda argitaratzen du baimendutako gehigarrien eta zerrenda horretan daudenak soilik erabil daitezke; gehigarriren bat agertzen ez bada, galarazita dagoela esan nahi du. Europako Batasunean izaten diren alergien % 0,03-0,05 gehigarriek sortutakoak dira. Espainiako Alergia eta Immunologia Elkarteak emandako datuen arabera, berriz, % 4,5. Hori dela eta, derrigorrezkoa da gehigarria janarian berehala aurkitzeko sistema bat izatea merkatuan.

Gehien erabili ohi diren zapore indartzaileak honakoak dira:

Europarrak (E_Zenbakiak)

• E620 Azido glutamikoa
• E621 Glutamato monosodikoa
• E622 Glutamato monopotasiko
• E623 Kaltzio diglutamato
• E624 Amonio glutamatoa
• E625 Magnesio diglutamato
• E626 Azido guaniliko
• E627 Guanilato disodiko
• E628 Guanilato dipotasiko
• E629 Kaltzio guanilato
• E630 Azido inosinikoa
• E631 Inosinato disodikoa
• E632 Inosinato dipotasikoa
• E633 Kaltzio inosinatoa
• E634 5'-Kaltzio erribonukleotido
• E635 5'-Sodio erribonukleotido
• E636 Maltosa
• E637 Etilmaltola
• E640 Glizina eta gatz sodikoa
• E641 L-Leuzina
• E650 Glizerina sodiko
• E900 Dimetilpolisiloxano

Erreferentziak

Kanpo estekak

• Datuak: Q898745