Uribitarte pasealekua

Uribitarte pasealekua

Bilbo, Uribitarte

Uribitarte pasealekuaren ikuspegia.

Herrialdea
Probintzia
Udalerria

Euskal Herria

Bizkaia

Bilbo

Bilbo erdigunea

Uribitarte pasealekua	Uribitarte pasealekua
Uribitarte pasealekua

Koordenatuak:

43°15′53.83″N 2°55′36.51″W / 43.2649528°N 2.9268083°W / 43.2649528; -2.9268083

Uribitarte pasealekua Bizkaiko Bilbo hiriburuan dagoen pasealeku bat da.

Kokalekua

Izen berdineko Uribitarte eremuan dago. Bere ibilbide osoan zehar Bilboko itsasadarraren ezkerraldeko ertzetik doa, Uribitarteko kaiaren alboan. Udaletxeko zubian hasi eta Guggenheim Bilbao Museoan amaitzen da, hain zuzen ere, Ingelesen Zelaiko kaia eta Abandoibarra etorbidea hasten den lekuan, Salbeko zubipean. Oinezkoentzako espaloi bikoitza, txirrinduentzako bidegorria, trafikoarentzako bide bat eta Bilboko Tranbiarentako erreserbatutako erdiko eremu bat ditu. Itsasadarraren eskuinean dagoen Campo de Volantín pasealekuarekin Zubizuri bidez lotzen da.

Eraikin eta estatua interesgarriak

Uribitarte pasealekuaren inguruan honako eraikin eta estatua nabarmen hauek daude:

Eraikinak

Aznar eraikina. 1948an izen berdineko ontzigintza enpresako Aznar familiak heuren negozienzako egoitza izan zedin eraiki zuten eraikina da. Manuel Ignacio Galíndez arkitektoa proiektu hura gauzatzeaz arduratu zen. Gaur egun, udal egoitzen kokalekua da.
Behinholako aduanaren eraikina Pio Baroja plazan dago eta 1890ean Eladio Iturria arkitektoak eraiki zuen.
Albia dorrea.
Isozaki Atea, Arata Isozaki japoniar arkitektoak Iñaki Aurrekoetxea Aurre bilbotar arkitektoarekin elkarlanean burututako zazpi eraikinez osatutako multzoa. 82 metroko garaiera eta 23 solairu dituzten bi dorre biki, eta 6-8 solairu artean dituzten bost eraikinek osatzen dute.
Museoalde eraikina
Zubizuri, Santiago Calatrava valentziar arkitektoaren lana.
Uribitarteko kaia.

Bilboko udaletxearen ikuspegia Uribitarte pasealekutik, Aznar eraikina eskerraldean dagoela
Uribitarteko kaia, Albia eraikina, Isozaki Atea eta Zubizuriren ikuspegia itsasadarraren eskuinaldetik

Estatuak

Itsasoaren egunaren oroitzapena,Vicente Vázquez Canónico asturiar eskultorearen lana, Bilboko udaletxearen parean.
Melpómene estatuaren iturria, Enrique Barrosen lana, Francisco Durrioren Bilboko Arriaga monumentua ordezkatzeko asmoz egina. Uribitarte pasealekua eta Uribitarte kalearen arteko elkargunean dago.