Uhin-luzera

Uhin-luzera uhin baten periodikotasun espaziala da, edo beste era batera esanda: uhin batean bibrazio-egoera berean dauden ondoz ondoko bi punturen arteko distantzia minimoa da. Normalean, lambda (λ) hizki grekoarekin izendatzen da.

Erlazioa maiztasunarekin

λ uhin-luzerak ν maiztasunarekiko (denbora jakin batean aurki daitekeen tontor kopurua)alderantzizko proportzionala den erlazioa du. Uhin-luzera uhinaren hedapen-abiadura eta uhinaren maiztasunaren arteko zatiduraren berdina da. Uhin elektromagnetikoen kasuan, hedapen-abiadura hau c argiaren abiadura da. Erlazioa honela adierazten da:

${\displaystyle \lambda ={\frac {v}{\nu }}}$

non

λ = uhinaren uhin-luzera den

${\displaystyle v}$ uhinaren hedapen abiadura den, eta

ν = uhinaren maiztasuna den Hertzetan.

Partikulen uhin-luzera kuantikoa

Louis de Brogliek aurresan zuen, momentu linealdun partikula orok bere uhin-funtzio kuantikoarekin lotuta dagoen uhin-luzera duela, de Broglieren uhin-luzera deitua:

${\displaystyle \lambda ={\frac {h}{p}}}$

non

h Plancken konstantea den eta

p objektuaren momentu lineala den.

Kanpo estekak

• Datuak: Q41364
• Multimedia: Wavelength / Q41364