Sumerrera

Sumerrera
Datu orokorrak
Hiztunak	0
Ofizialtasuna	Sumeria eta Akad
Eskualdea	Mesopotamia
Hizkuntza sailkapena
giza hizkuntza
Informazio filologikoa
Hizkuntza-tipologia	SOV hizkuntza, hizkuntza eranskaria, hizkuntza bakartua eta hizkuntza ergatiboa
Kasu gramatikalak	equative case ^(en)
Alfabetoa	Idazkera kuneiformea
Hizkuntza kodeak
ISO 639-2	`sux`
ISO 639-3	`sux`
Glottolog	`sume1241`
IETF	sux

Sumerrera^[1] (sumerreraz: 𒅴𒂠, EME.ĜIR₁₅, "bertako hizkuntza") antzinako Sumerko hizkuntza izan zen, hizkuntza idatzietan antzinakoena. Hizkuntza galdua zen, XIX. mendean asiriologoek idazkera kuneiformea deszifratu zuten arte.

Historia

Gutxienez K.a. IV. milurtekotik aurrera hegoaldeko Mesopotamian mintzatzen zen. K.a. III. milurtekoan sumertarren eta akadiarren artean harreman kultural estuak sortu ziren, elebitasun zabala tartean^[2]. Hori zela eta, sumerreraren eta akadieraren artean elkarrekiko eragin nabaria sortu zenː hizkuntzalariek biek sprachbund sortu zutela diote^[2]. III. eta II. milurtekoetan zehar, basamortutik iritsitako herri semitikoek aginpidea eskuraturik, akadierak sumerrera ordezkatu zuen eguneroko bizitzan,^[3] baina sumerrera oraindik hizkuntza sakratu, literario eta zientifiko gisa erabili zuten Mesopotamian I. mendera arte.

Garaiak

Sumerrera aldatuz joan zen denboraz eta, honen arabera, hiru garai bereizten dira:

arkaikoa (K.a. 3100-2500), gaizki ezaguna oraino;
klasikoa (K.a. 2500-2300);
sumerrera berria (K.a. 2000. urtean amaitua).

Idazkiak

Idatzi den lehen hizkuntza ezaguna da, idazkera kuneiformeaz baliatuta. Sumerrerazko testu asko dago, eta era askotakoak, hala pragmatikoak (juridikoak, administratiboak, merkataritza alorrekoak, irakaskuntzakoak) nola erlijiozkoak zein literarioak (erritualak, aztikeriak, ereserkiak, mitoak, kantu epikoak, atsotitzak…).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2018-05-28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ 47. araua: Hizkuntza hilak eta klasikoak. Euskaltzaindia (Noiz kontsultatua: 2012-11-3).
↑ ^a ^b Deutscher, Guy. (2007). Syntactic Change in Akkadian: The Evolution of Sentential Complementation. Oxford University Press, 20–21 or. ISBN 9780199532223..
↑ Woods, C.. (2006). Bilingualism, Scribal Learning, and the Death of Sumerian. in: Margins of Writing, Origins of Culture. Chicago, 91-120 or..

Kanpo estekak

Autoritate kontrola	Wikimedia proiektuak Datuak: Q36790 Multimedia: Sumerian language / Q36790 Identifikadoreak BNF: 119333330 (data) GND: 4078069-7 LCCN: sh85130413 NDL: 00572426 NKC: ph126273 AAT: 300393225 Hiztegiak eta entziklopediak Britannica: url