Rukshana Kapali

Rukshana Kapali
(2019)
Bizitza
Jaiotza	Patan, 1999 (24/25 urte)
Herrialdea	Nepal
Jarduerak
Jarduerak	LGBT ekintzailea
Jasotako sariak	ikusi 100 Emakume (BBC)  (2023)
minchyaameyju.wordpress.com

Rukshana Kapali (newarieraz: रुक्शना कपाली; Patan, 1999) Nepalen bizi den aktibista newaria da, LGBT pertsonen eta intersexualen eskubideak defendatzen dituena eta newari kultura eta hizkuntza sustatzen dituena.

Bizitza

Patanen jaio zen 1999an^[1][2]. Bere familia newaria da eta etxean newarieraz hitz egiten hazi zen^[2]. Jaiotzez gizonezko generoa esleitu zioten, baina eskolan zegoela, armairutik irten zen neska trans gisa. Katmanduko Tribhuvan unibertsitatean hizkuntzalaritza eta soziologia ikasi zituenean, zailtasunak izan zituen azterketetan izena emateko, eta pertsona transgeneroen eskubideen aldeko ekintzaile bihurtu zen^[3][4]. Ikuspegi intersekzionala hartuz, Kapalik LGBT pertsonen, intersexualitatearen, newari kulturaren eta hizkuntzaren inguruko kanpaina antolatu zuen. Queer Youth Group sortu zuen Katmanduko ibarreko beste pertsona batzuekin batera^[2]. Blog bat dauka eta sexu-joera, genero-identitate, genero-adierazpen edo karaktere sexual marjinalizatuak dituzten pertsonei buruz idazten du^[5].

2021ean, Nepalgo auzitegi gorenera jo zuen emakume gisa identifikatzeko eskubidea aldarrikatzeko eta ez hirugarren genero gisa, agintariek behartu zuten bezala. 2023ko azaroan, auzitegiak bere alde erabaki zuen auzia^[1].

2023an, BBCk 100 Emakumeen zerrendan sartu zuen^[6][7].

Erreferentziak

Kanpo estekak

• Datuak: Q60451813