Romelu Lukaku
Romelu Lukaku | |||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Irudi gehiago | |||||||||||||||||||||||||||||||||||||||||||||||||||||||||||||||
Bizitza | |||||||||||||||||||||||||||||||||||||||||||||||||||||||||||||||
Jaiotzako izen-deiturak | Romelu Lukaku Bolingoli | ||||||||||||||||||||||||||||||||||||||||||||||||||||||||||||||
Jaiotza | Anberes, 1993ko maiatzaren 13a (30 urte) | ||||||||||||||||||||||||||||||||||||||||||||||||||||||||||||||
Herrialdea | Belgika | ||||||||||||||||||||||||||||||||||||||||||||||||||||||||||||||
Lehen hizkuntza | nederlandera | ||||||||||||||||||||||||||||||||||||||||||||||||||||||||||||||
Familia | |||||||||||||||||||||||||||||||||||||||||||||||||||||||||||||||
Aita | Roger Lukaku | ||||||||||||||||||||||||||||||||||||||||||||||||||||||||||||||
Anai-arrebak | ikusi
| ||||||||||||||||||||||||||||||||||||||||||||||||||||||||||||||
Hezkuntza | |||||||||||||||||||||||||||||||||||||||||||||||||||||||||||||||
Hizkuntzak | nederlandera | ||||||||||||||||||||||||||||||||||||||||||||||||||||||||||||||
Jarduerak | |||||||||||||||||||||||||||||||||||||||||||||||||||||||||||||||
Jarduerak | futbolaria | ||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||
Posizio edo espezialitatea | aurrelaria | ||||||||||||||||||||||||||||||||||||||||||||||||||||||||||||||
Kirol zenbakia | 90 | ||||||||||||||||||||||||||||||||||||||||||||||||||||||||||||||
Pisua | 101 kilogramo | ||||||||||||||||||||||||||||||||||||||||||||||||||||||||||||||
Altuera | 191 zentimetro | ||||||||||||||||||||||||||||||||||||||||||||||||||||||||||||||
|
Romelu Lukaku (Anberes, Belgika, 1993ko maiatzaren 13a) belgikar futbol jokalaria da, Ingalaterrako Premier Leagueko Chelsea taldean erdi-aurrelari bezala jokatzen duena. Munduko aurrelari onenetariko bat bezala kontsideratua dago.
Belgikako futbol selekzio nazionalarekin ere jokatzen du, nahiz eta Kongoko nazionalitatea ere baduen.
Bizitza pribatua
Bere aita, Roger Lukaku, Kongokoa zen eta Belgikara joan zen bizitzera herrialde honetako 2. mailako hainbat taldetan jokatzeko.
Ibilbidea
Hasiera Belgikan (1999-2006)
Bere ibilbidea 1999an hasi zen, 6 urterekin Rupel Boom talde belgikarraren futbol eskolan sartu zenean. Lau urte geroago, 10 urterekin, KFC Wintam-era joan zen eta han formatzen segitu zuen urte baten buruan Liersera joan arte.
Anderlecht-era jauzia
Gustura ez zegoenez, 13 urterekin RSC Anderlecht-era pausua ematea otu zitzaion eta behingoz talde indartsu batera jauzi egitea. Eta ez zitzaion batere gaizki atera. 3 urte kategoriak igotzen joan zen eta 2009an, 16 urterekin soilik, lehen taldearekin debutatu zuen, ondo jokatu eta han finkatu zen. Han eman zituen bi urteetan 73 partidu jokatu zituen eta 33 gol sartu.
Chelsea eta lagaketak
Nola ez, hain ongi jokatzeak hainbat talderen interesa erakarri zuen eta Chelsearena izan zen Lukaku eta bere gurasoen arreta gehiena erakarri zuen proiektua. Hala ere, talde honetan 2011-2014 bitartean ez zuen asko gozatu izan ere, 2 aldiz beste talde batzuetara utzia izan zen (2012-2013 WBA eta 2013-2014 Everton FC). Talde hauetan, batez ere Evertonen, gol asko sartu zituen (15 gol 31 partidutan), baina Chelsean Diego Costa eta Pedro zeudenez eta Everton jokalari honengatik interesatuta zegoenez, bi taldeak ados jarri ziren 33 milioiengatik Evertonek Lukaku fitxa zezan.
Everton
Bertan eman zituen 3 urteetan ederki jokatu zuen 110 partidutan 53 gol sartuz eta 2017an Manchester Unitedek 84 milioi ordaindu zituen hau fitxatzeko.
Manchester United
Lehen denboraldian 16 gol sartu ditu 34 partidutan eta horrek berengan asko konfiatzen duen Roberto Martínez Belgikako entrenatzailearen deialdian sartzea lortu du Errusiako 2018ko munduko txapelketarako. Bere egonaldia Manchesterren 2019ko udan amaitu zen, zaleak pixka bat hotz utziz, nahiz eta 66 partidutan 28 gol sartuz.
Milango Inter
2019ko udan, Manchester United utzi eta Milango Interrera joan zen. Taldeak 65 milioi ordaindu zizkien ingelesei.
2019-2020
Bost denboraldirako kontratua sinatu zuen. Lehen denboraldian jada bere maila berreskuratu eta aurrelari gisa aritu zen Lautaro Martinez-ekin batera. Denera 51 partidu jokatu zituen, 34 gol sartuz.
2020-2021
Chelsea-ra itzulera
Estatistikak
Kluba | Urtea | Partida(k) | Gola(k) | Asistentzia(k) |
---|---|---|---|---|
Anderlecht | 2009 – 2011 | 98 | 41 | 18 |
Chelsea | 2011 – 2014 | 15 | 0 | 1 |
West Brom (utzita) | 2012 – 2013 | 38 | 17 | 7 |
Everton | 2014 – 2017 | 166 | 87 | 29 |
Manchester United | 2017 – 2019 | 96 | 42 | 13 |
Inter | 2019 – 2021 | 95 | 64 | 16 |
Chelsea | 2021 - | 2 | 1 | 0 |
Selekzio nazionala
2010eko martxoaren 3an egin zuen debuta Belgikako selekzio nazionalarekin; 15, 18 eta 21 urtez azpiko selekzioekin jokatu ondoren. Ordutik, bi munduko txapelketatan jokatu du Belgikarekin (2014 eta 2018) eta Eurokopa batean ere bai (2016). Denera 100 partidu jokatu ditu, eta haietan 67 gol sartu ditu.
2020ko Europako Koparako ere deitu dute, COVID-19aren pandemia zela eta hurrengo urtera atzeratu zutena. Bertan, nahiz ta Lukakuk 4 gol sartu, Belgika final laurdenetan kanporatu zuen Italiak.