Rick and Morty
| Rick and Morty | |
|---|---|
 | |
| Jatorria | |
| Sortzailea(k) | Justin Roiland (en)  eta Dan Harmon |
| Izenburua | Rick and Morty |
| Jatorrizko hizkuntza | ingelesa |
| Jatorrizko herrialdea | Ameriketako Estatu Batuak |
| Sasoi kopurua | 7 |
| Atalak | 71 |
| Banatze bidea | eskatu ahalako bideo |
| Ezaugarriak | |
| Genero artistikoa | animated sitcom (en) , zientzia-fikzioa, adult animation (en) , Tragikomedia, abenturazko telesaila eta Umore beltza |
| Iraupena | 22 minutu |
| Ekoizpena | |
| Ekoizlea | Dan Harmon Justin Roiland (en) [[Kategoria:Justin Roiland (en) ekoitzitako lanak]] |
| Konpainia ekoizlea | Williams Street (en) [[Kategoria:Williams Street (en) ekoitzitako lanak]] |
| Ekoizle eragilea | Dan Harmon Justin Roiland (en) James Fino (en) Joe Russo (en) |
| Garatzailea | Justin Roiland (en) eta Dan Harmon |
| Emanaldia | |
| Jatorrizko igorlea |  Adult Swim (en) |
| Hasiera-data | 2013ko abenduaren 2a |
| Fikzioa | |
ikusi
| |
| Argumentu nagusia | familia disfuntzionala, zientzia-fikzioa eta unibertso paraleloa |
| Historia | |
| Jasotako sariak | Shorty Awards (en) American Cinema Editors (en) |
| adultswim.com… | |
           | |
Rick y Morty nagusientzako animaziozko telesail estatubatuar bat da, Justin Roiland eta Dan Harmonek sortuta, Adult Swim telebista kanalerako. Serieak, Rick zientifikoaren eta bere biloba Mortyren abenturak jarraitzen ditu, bidaia espazial intergalaktikoak galaxia eta planeta desberdinetan zehar hain zuzen ere. Roiland-ek jartzen die ahotsa bi protagonistei, Chris Parnell, Spencer Grammer eta Sara Chalkeren ahotsekin batera.
Telesailaren jatorria Roiland-ek Channel 101 zinema festibalerako animatu zuen “Doc and Marthi” deituriko laburmetraia batean aurkitzen da. Animazioa, “Back to the future” pelikularen pertsonaia nagusien inguruko parodia bat izan zen. NBC telebistak Harmon kanporatu zuen “Community” seriearen arduradunekin izan zituen eztabaidengatik. Orduan bera eta Roiland batu eta serie hau sortzea erabaki zuten. Telesaila unibertsalki txalotua izan da bere originalitatea, kreatibitatea eta umorearengatik.
Argumentua
Rick Sánchez zientzialari zoro tipikoaren papera hartzen duen pertsonaia da. Aitona da, nahiko nagusia eta baita alkoholikoa, genioa, berekoia, depresiboa eta zentzutasun gutxirekin. Rick-ek, zenbait arrazoi direla eta, bere alaba Beth-en etxean bizitzen bukatzen du. Han Morty ezagutzen du, bere biloba nerabea, lotsati eta ez oso argia, nahiz eta batzuetan nahiko ausarta izan. Biak batzean, abentura fantasiosoak biziko dituzte eta “Multibertso” eta “Unibertso paraleloen” kontzeptuak esploratuko dituzte. Abentura hauen bidez, Rick-ek Morty bere aita bezala ez bukatzea bilatuko du, Jerry hain zuzen ere, arrakastarik izan ez duen gizona eta bere emaztearekiko (Beth) dependentea dena.
Nahiz eta gehienetan Rick eta Morty abenturetan bakarrik joan, batzuetan Summer, Morty-ren arreba, gehituko da haien bidaietara.
Idazketa
Rick eta Morty-ren formula nagusia, bi eszenatoki desberdinen justaposizioan datza. Alde batetik aitona alkoholiko eta izugarri berekoiaren abenturak erakusten dira, zeinak bere biloba berarekin eramaten duen ezezaguna den espazio intergalaktikoan. Aldi berean, istorio hauetan etxeko familia arazoak[1] [2]gertatzen dira, “sitcom” generoaren propio diren kontaketak. Dan Harmon-ek, fusio hau Matt Gorening-en “Futurama” eta “The Simpsons”[3] telesailen influentzien batura dela azaldu zuen. Bestalde, Justin Roiland ko-autoreak adierazi zuen sortzaileek telesailak telebistaren kontinuitate tradizionala alde batera uztea nahi zutela, “storyline” etenak aukeratuz “legeek ez dituztenak arautzen”. Roiland-ek dio kapituluek “[bere] ikuspuntu propioa” daukatela.
Narratiba
Dan Harmon-ek askotan idatzi du ikus-entzunezko narratibaren inguruan. Rick and Morty-n ikusgai den teoria narratibo nagusiena, luzemetraia formatuaren narratiba basikoaren eta telebistak (batez ere sitcom formatuak) duen narratibaren artean dauden desberdintasunak azpimarratzen dituena da.
Rick eta Morty-ren kapitulu guztaik Harmon-ek “istorio baten enbrioia”[4] bezala definitzen duen egitura basikoa jarraitzen dute. Zortzi pausuz osatuta dagoen eskema zirkularra da:
1. Pertsonaia bat bere konfort zonan dago.
2. Baina zerbait nahi du.
3. Ezagutzen ez duen egoera batera sartzen da.
4. Horretara adaptatzen da
5. Nahi duena lortzen du.
6. Baina prezio altu bat ordaindu behar du.
7. Hasierako egoera erosora bueltatzen da.
8. Orain aldatuta dago pertsonaia.
Rick eta Morty-k eskema hau jarraitzen du baina telebista serieetara adaptatuta. Desberdintasun nagusiena, aldaketaren kontzeptuan dago, Harmon berak dio telebistan desagerrarazi egiten duela. Beraz, eskema zirkularra horrela geratuko litzateke:
1. Protagonista.
2. Arazo txiki bat ikusten du.
3. Erabaki handi bat hartzen du.
4. Honek aldaketak sortzen ditu.
5. Poztasuna sortzen dutenak.
6. Baina ondorioak ekartzen dituena.
7. Ondorio horiek geldiarazi behar dira.
8. Protagonistak aldaketaren erabilgarritasuna bere hartu behar ditu.
Zirkulu estruktural honen sorreran Joseph Campbell-en “El héroe de las mil caras”-en influentzia handia dauka. Horrez gain, Robert McKee-k bere liburuan “El Guión”, gidoi zinematografikoari buruzko teorien influentzia eta berdintasunak ikusi daitezke.
Erreferentziak
- ↑ Sepinwall, Alan (Marzo 24, 2014). "Dan Harmon interview, part 3: ‘Rick and Morty’, HitFix. 16/10/2017an kontsultatuta.
- ↑ Czajkowski, Elise (Noviembre 12, 2013). "Harmon’s ‘Rick and Morty’ Premieres on Adult Swim on Dec. 2". 16/10/2017an kontsultatuta
- ↑ Evans, Bradford (Diciembre 2, 2013). "to Dan Harmon and Justin Roiland About Their New Adult Swim Show, ‘Rick and Morty’". Splitsider. Consultado el 16/10/2017.
- ↑ Harmon, Dan. "Structure 101: Super Basic Shit". 16/10/2017an kontsultatuta.
Kanpo estekak
| Autoritate kontrola |
|---|
Datuak: Q15659308
Multimedia: Rick and Morty / Q15659308
