Radegunda (latinez: Radegunda; Rhadegund, Radegonde, edo Radigund ere deitua; Turingia, ca. 520– Poitiers, 586ko abuztuaren 13a) frankoen erregina izan zen. IX. mendean kanonizaturik, abuztuaren 13an ospatzen da haren jaieguna. Poitiers hiriko zaindaria da.
Bizitza
Klotario I.a Soissonseko erregeak hil zuen Turingiako erregearen alaba zen, eta Klotariok berak hezi eta bataiatu ondoren, berarekin ezkoztarazi zuen 538an. Klotariok Radegundaren anaia hilarazi zuenean gortetik alde egiteko baimena jaso zuen Radegundak, eta Medarno apezpikuaren aurrean moja bihurtu zen Noyonen 555ean. Poitiersen hartu zuen bizilekua, eta Sainte-Croixeko monasterioa eraiki zuen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Wikimedia Commonsen badira fitxategi gehiago, gai hau dutenak: Radegunda  |
Irudi gehiago
Datuak: Q236974
Multimedia: Saint Radegund / Q236974
