Peloponeso

Peloponeso
Datu orokorrak
Garaiera	2.407 m
Mota	penintsula eta eskualde geografiko
Azalera	22.200 km²
Geografia
Koordenatuak	37°20′59″N 22°21′08″E / 37.349722222222°N 22.352222222222°E / 37.349722222222; 22.352222222222
Estatu burujabe	Grezia
Ur-gorputza	Mediterraneoa Adriatikoa Egeo

Peloponeso^[1] edo Morea (grezieraz: Πελοπόννησος, Pelopónnēsos) Greziako penintsula da, Korintoko istmoak lotuta (nahiz eta orain Korintoko ubideak kontinentetik banatu).

Izena

Pelope heroiak eskualdea konkistatu zuenean bere izena eman zion, izan ere 'Peloperen uhartea' esan nahi du, nahiz eta 1893an Korintoko ubidea eraiki baino lehen penintsula izan. Erdi Aroan, 'Morea' izendatu zuten, masustondoren hostoaren itxura duelako.

Geografia

Penintsula menditsua da oso, Pindoko mendilerroaren zatia delako. Mendi nagusiak ipar-mendebaldean Olono (2.223 metro), ipar-ekialdean Zilene (2.374 metro), erdialdean Megalo (1.980 metro) eta hego-ekialdean Argolida, Parnon (1.935 metro) eta Taigeto (2.404 metro) dira, artean Argos, Esparta edo Kalamatako haranak daudela. Kostaldean Nafplia, Lakonia eta Meseniako golkoak ditu.

Banaketa administratiboa

Peloponeso hiru periferia ditu bere barnean, nagusiena izen bera duena. Periferia hau bost prefekturatan (nomoi) azpibanatua dago:

• Arkadia
• Argolida
• Korinto (Korinzias)
• Lakonia
• Mesenia

Akaia eta Elideko prefekturak ere penintsulan daude baina Mendebaldeko Grezian daude. Gainera, Argolidaren zati bat Atika barnean dago.

Hiriak

Peloponesoko hiri nagusiak (2001eko erroldaren arabera) honako hauek dira:

• Patras (169.242 biztanle)
• Kalamata (54.065 biztanle)
• Korinto (30.434 biztanle)
• Tripoli (28.976 biztanle)
• Argos (25.068 biztanle)
• Pirgos (24.765 biztanle)
• Aigion (21.966 biztanle)
• Esparta (16.473 biztanle)
• Nauplio (13.124 biztanle)

Erreferentziak

Kanpo estekak

• Datuak: Q78967
• Multimedia: Peloponnese / Q78967