Oier Lakuntza

Oier Lakuntza
Bizitza
Jaiotza	Iruñea, 1985eko abenduaren 29a (38 urte)
Herrialdea	Nafarroa Garaia, Euskal Herria
Hezkuntza
Hizkuntzak	euskara gaztelania
Jarduerak
Jarduerak	bertsolaria eta kimikaria

Oier Lakuntza Irigoien (Iruñea, Nafarroa, 1985eko abenduaren 29a) kimikaria, ikerlaria eta bertsolaria da. 2007an Kimika ikasketak bukatu zituen Nafarroako Unibertsitatean, eta ondoren Euskal Herriko Unibertsitatean kimika kuantikoan doktoretza egin zuen Donostian.^[1]

Nahiz eta Wolfram sindromea duen (gaixotasun larria), bere kimika ikerketak amaitu zituen. Gaixotasunak diabetesa, entzumen eta ikusmen arazoak, eta beste arazo batzuk sortu dizkio.^[2]^[3]

2012ko urtarrilean, Espainiako Gizarte Segurantzarekin arazoak zituela eta, hainbat egunkarietan agertu zen. Ikasketetan lortutako espediente bikainaren ondorioz, ikerketa egiteko diru laguntza lortu zuen, Euskal Herriko Unibertsitatean doktoretza egin ahal izateko. Bi urte eta erdiren ondoren, Gizarte Segurantzak 11.500 euro eskatzen zizkion, laguntza hori jasotzen zuen minusbaliotasun laguntzarekin bateragarria ez zela eta.^[4]^[5]^[6] Azkenean Gizarte Segurantzak eman zion.^[7]

Gaur egun ikerlari moduan dago Gasteizeko enpresa batean. Oier Lakuntzari ordenagailuak hitz egiten dio. Guk pantailan ikusten duguna hitz bihurtzen dio. Ziztu bizian robot batena dirudien ahots mekanikoak hamaika letra eta ikur deskribatzen dizkio erretolika zibernetiko amaigabean. Goi mailako zientzia kontuetan, halere, ez omen da oso iaioa makina, eta kimika teorikoaren formulak deskribatzerakoan lan bikoitza ematen dio, ikerlanak egiterakoan. Hala ere, ezinbesteko laguna du eta elkarrekin gauza asko egiten ari dira.

Nafar euskaldun hau Ur handitan telebista saioan agertu zen otsailaren 27an^[8] Ilune Dufaurekin batera eta bertan, besteak beste, Wolfram sindromeari buruz hitz egin zuen.

Bertsolaritza

Paz Ziganda ikastolan hasi zen bertsoa lantzen, eta ondoren Iruñeko bertso eskolan trebatu zen. Euskal Herriko Eskolarteko Bertsolari txapelketako txapeldunorde izan zen 2002an.

2006an Mariano Izeta Sariketa irabazi zuen. 2004 urtean hartu zuen parte lehen aldiz Nafarroako Bertsolari Txapelketan.

Erreferentziak

↑ Tesiari buruzko elkarrizketa, Unibertsitatea.net, 2013-04-09.
↑ Cuando las neuronas no se rinden^{[Betiko hautsitako esteka]}, Diario de Navarra, 2011-02-27.
↑ Unos 42.000 navarros luchan con alguna de las 8.000 enfermedades raras que existen^{[Betiko hautsitako esteka]}, Diario de Navarra, 2011-02-27.
↑ Muestras de apoyo y eco mediático para la historia de Oier, Diario de Noticias, 2011-02-26.
↑ Joseba Santamaria: Absurda injusticia, Diario de Noticias, 2011-02-26.
↑ ¿Discapacitado o estudiante brillante?^{[Betiko hautsitako esteka]}, Cadena Ser, 2011-02-26.
↑ http://www.argia.eus/argia-astekaria/2341/oier-lakuntza
↑ http://www.eitb.eus/eu/telebista/programak/ur-handitan/bideoak/osoa/5430993/bideoa-oier-lakuntza-kimikan-doktorearen-lorpenak/

Kanpo estekak

Bertsozale.com: Oier Lakuntza
Euskadi Irratian: Oier Lakuntza, tinko gaixotasunari eta erakundeei aurre egiten^{[Betiko hautsitako esteka]}
Elkarrizketa Argian: «Geure buruari jartzen diogunoztoporik handiena ezer egiterik ez dagoela pentsatzea da». 2012ko urriaren 21a.
(Gaztelaniaz) Onda Vasca: Entrevista a Oier Lakuntza en Euskadi Hoy Magazine 25^{[Betiko hautsitako esteka]}