Obra-lizentzia

Obra-lizentzia eraikuntzako edozein lan eta jarduera gauzatzeko eta lurraren edozein erabilera egiteko, aurretik behar den udal-baimen administratiboa da.^[1] Bere helburua lizentzia-eskaera hirigintza-araudian ezarritakoarekin bat datorrela egiaztatzea da.

Kasu gehienetan, eskualde bakoitzean indarrean dagoen legediaren mende egon arren, honako jarduera hauek daude obra-lizentziaren mende:

hirigintza-partzelazioak.
lur-mugimenduak.
oin berriko obrak.
eta abar

Motak

obra handiko lizentzia, oin berriko obra eta, oro har, eraikuntza baten egitura ukitzen edo fatxada-teilatuak aldatzen dituzten handitze-, aldatze- edo eraberritze-obrak eta urbanizazioko obrak egiteko behar dena.^[1]
obra xeheko lizentzia , eraikuntza edo instalazioaren egitura ukitzen ez duten eta lurraren edo lurrazpiaren okupaziorik ez dakarten obra guztiak egiteko behar den lizentzia.^[1]