Nastassja Kinski

Nastassja Kinski
Irudi gehiago
Bizitza
Jaiotzako izen-deiturak	Nastassja Aglaia Nakszynski
Jaiotza	Mendebaldeko Berlin, 1961eko urtarrilaren 24a (63 urte)
Herrialdea	Alemania
Familia
Aita	Klaus Kinski
Bikotekidea(k)	ikusi Quincy Jones Ibrahim Moussa ^(en) Ilia Russo ^(en)
Seme-alabak	ikusi Sonja Kinski Kenya Kinski-Jones
Anai-arrebak	ikusi Nikolai Kinski Pola Kinski ^(en)
Familia	ikusi Lara Naszinsky ^(en) (lehengusina propio)
Hezkuntza
Hizkuntzak	alemana ingelesa
Jarduerak
Jarduerak	modeloa, zinema aktorea eta ahots-aktorea
Jasotako sariak	ikusi Urrezko Globo Sariak (1981) : Tess
Izengoitia(k)	Nastassja Kinski

Nastassja Kinski (Mendebaldeko Berlin, 1961eko urtarrilaren 24a) alemaniar antzezlea da.

Biografia

Klaus Kinski antzezlearen eta Ruth Brigitte idazlearen alaba. Gorabehera handiko karrera egin du. Hamahiru urte zituela egin zuen debuta zineman, Wim Wenders zuzendariaren aginduetara. Harrezkero, zenbait filmetan parte hartu zuen, baina Roman Polańskiren zuzendaritzapean 1970ean egin zuen filmak ezagutarazi zuen: Tess. Film hartan egindako lanarengatik, Urrezko Globoa eta Frantziako César saria irabazi zituen.

Estatu Batuetara deitu zuten Ragtime filmean parte hartzera, baina azkenean ez zuten onartu, alemaniar azentu nabarmena zuela eta. Gero, antzerki-ikastaroak egin zituen Lee Strasbergen Actor's Studion. 1982an, beste film batean hartu zuen parte, beldurrezko film klasiko bihurtu den Cat people filmean, hain zuzen, Jaques Tourneurren gidaritzapean. Urte hartan bertan, trapezista baten papera jokatu zuen One From the Heart filmean, Francis Ford Coppolaren esanetara.

Nastassja Kinskiren karrerak aurrera jarraitu zuen, Europan eta Estatu Batuetan, baina gorabehera handiekin. 1984an, Wim Wendersekin elkartu zen berriro arrakasta handiko film baterako: Paris, Texas. 1985ean, Revolution egin zuen, Donald Sutherland eta Al Pacinorekin. 90eko hamarkadan, aipagarriak ditu Faraway, So Close! (1993 ), Terminal Velocity (1994) eta One Night Stand (1997). Azkenaldiko lanik onenak Michael Winterbottom —The Claim (2000)— eta David Lynch —Inland Empire (2006)— zuzendariekin egin ditu.

Erreferentziak

Wikimedia Commonsen badira fitxategi gehiago, gai hau dutenak: Nastassja Kinski

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Autoritate kontrola	Wikimedia proiektuak Datuak: Q76711 Multimedia: Nastassja Kinski / Q76711 Identifikadoreak WorldCat VIAF: 84253893 ISNI: 0000000114761773 BNE: XX1166805 BNF: 13896010k (data) GND: 118562274 LCCN: n85138187 NDL: 00620936 NKC: js20060915011 NLA: 35983904 CiNii: DA13164157 SNAC: w6gx5ckj SUDOC: 161685811 BIBSYS: 90849354 Hiztegiak eta entziklopediak Lur: 03471/eu_k_1585/k1585

Autoritate kontrola