Mircea Snegur

Mircea Snegur
Irudi gehiago
Moldaviako legebiltzarkidea 1998ko martxoaren 22a - 2001eko otsailaren 25a 1. Moldaviako presidentea 1990eko irailaren 3a - 1997ko urtarrilaren 15a ← baliorik ez - Petru Lucinschi (en) → President of the Moldovan Parliament (en) 1990eko apirilaren 27a - 1990eko irailaren 3a ← Ion Cebanu (en) - Alexandru Moșanu (en) →
Bizitza
Jaiotza	Trifănești (en) , 1940ko urtarrilaren 17a
Herrialdea	Sobietar Errepublika Sozialisten Batasuna  (1940 -  1991ko abuztuaren 27a)  Moldavia  (1991ko urtarrilaren 27a -  2023ko irailaren 13a)
Bizilekua	Infernu
Heriotza	Chisinau, 2023ko irailaren 13a (83 urte)
Heriotza modua	berezko heriotza: minbizia
Familia
Seme-alabak	ikusi Natalia Gherman
Hezkuntza
Heziketa	State Agrarian University of Moldova (en) candidate of agricultural sciences (en)
Hizkuntzak	errumaniera
Jarduerak
Jarduerak	politikaria
Jasotako sariak	ikusi Order of the Republic  (2000ko urtarrilaren 17a) Ohorezko Intsigniaren ordena Medal "For Labour Valour" Order for Merits to Lithuania
Sinesmenak eta ideologia
Erlijioa	kristautasun ortodoxoa
Alderdi politikoa	baliorik ez Sobietar Batasuneko Alderdi Komunista Agrarian Party of Moldova (en) Liberal Party (en) Communist Party of Moldavia (en)

Mircea Ion Snegur (Trifăneşti, Moldavia, 1940ko urtarrilaren 17a - Chisinau, 2023ko irailaren 13a) moldaviar politikaria izan zen.

Biografia

Agronomiako ikasketak egin zituen Txinan eta 1961ean graduatu zen. Moldaviako Errepublika Sozialistako Nekazaritza-ministro izan zen lehenik, eta 1985ean Moldaviako Alderdi Komunistako idazkari orokor izendatu zuten. Handik lau urtera errepublikako Sobiet Gorenerako hautatu zuten, eta 1990ean Moldaviako lehendakaritzarako.

Sobietar Batasunaren barruan zegoen Moldavia Snegurren agintaldiaren hasieran, baina 1991n burujabetasuna lortu zuelarik, Moldaviaren burujabetasuna lortu ondorengo lehen lehendakaria izan zen. Moldaviako lurralde-batasuna mantentzera bideratuak izan ziren Snegurren ahalegin nagusiak, Errumaniarekin elkartzearen aldekoei eta Dniester ibai inguruko errusiarren burujabetasunaren aldeko mugimenduari aurre eginez. 1992an larrialdi-egoera ezarri zuen Dniester inguruko eskualdean, militarrei esku hartzeko baimena eman zien eta Nazio Batuei deitu zien, besteak beste, baina matxinatuek, errusiar kosakoen eta Estatu Burujabeen Batasuna (EBB) gudarosteko zenbait talderen laguntzarekin, mendean hartu zuten lurraldea. Moldaviako legedian lurralde harentzako estatus politiko berezia ezagutu arte errusiar gudarostearen presentzia onartzea hitzartu zuen 1993an Errusiako lehendakari Boris Jeltsinekin. Matxinatuek, berriz, Smirnov buru, 1991ko burujabetasun aldarria bertan behera uztea eta Moldavia EBBn sartzea eskatu zuten.

1994an Snegurren Nekazarien Alderdi Demokratikoak irabazi zituen hauteskundeak eta babes handia lortu zuen 1995ean egindako erreferendumean Errumaniarekiko anexioari ezezkoa eman zitzaiolarik, baina 1996ko hauteskundeetan ezker errusiar zaleko hautagaia atera zen garaile, eta Snegurrek bere kargua utzi behar izan zuen.

Wikimedia Commonsen badira fitxategi gehiago, gai hau dutenak: Mircea Snegur

Erreferentziak

• Datuak: Q347679
• Multimedia: Mircea Snegur / Q347679