Mikaela Labaien

Mikaela Labaien
Bizitza
Jaiotza	Leitza, 1914
Herrialdea	Nafarroa Garaia, Euskal Herria
Heriotza	2008 (93/94 urte)
Hezkuntza
Hizkuntzak	gaztelania euskara
Jarduerak
Jarduerak	nekazaria eta kazetaria

Mikaela Labaien Lasarte (Leitza, 1914-2008) nafar baserritarra eta kazetaria izan zen.^[1]

Bizitza

Leitzan jaio zen baserri giro euskaldunean, eta Astaitzaga baserrira ezkondu, eta bi seme eta alaba bat izan zituen. Baserri horretan eman zuen bizitza osoa. Txikitan eskolara joan, eta bertan igarri zion Ignazio Lizarraga apaiz eta irakasleak idazteko grina.

Kazetari ibilbidea

Zeruko Argia, Argia, Amayur eta Plazaola astekarietan idazten zituen hainbat tokiren inguruko kronikak, bai eta Leitzako eta inguruko paisaiei eta tokiei buruz ere. Eskarnetxu eta Lilitxu izenordeekin sinatzen zituen idazkiak.^[2]

Arriba Españal-n ere idatzi zuen euskaraz artikulu bat.^[3] 1980an Leitza aldean sortutako Plazaola euskarazko aldizkarian ere idazten lehenengoetariko bat izan zen. Pedro de Irizar hizkuntzalari eta euskaltzain urgazleak Mikaela Labaienengana jo zuen Morfologia del verbo vasco-navarro liburua idazteko.^[4]

Bere azken urteetan, liburu bat idazten hasi zen euskaraz, baina bukatu gabe utzi zuen. Aita Zavalari utzi omen zion gainbegiratzeko. Hark, ordea, familiari itzuli ez, eta Gipuzkoako Aldundiari eman omen zion dohaintzan, bere obra guztiarekin batera.^[5]

Errekonozimenduak

2019ko abenduan Iruñeko Kondestablearen jauregian Hemen baditun 14 erakusketan omendu zuten, XX. mendean zehar euskararen sustapen eta normalizazioaren alde arituriko emakumeak omentzeko erakusketa.^[5]^[6]^[7]

Erreferentziak

↑ Ze berri 140, 2019
↑ «Leitzako lau emakumeri XX. mendean euskararen alde egindako lana aitortu diete - Leitzaldea» Erran.eus (Noiz kontsultatua: 2019-12-22).
↑ Euskara Iruñeko kazetaritzan : textu antologia. ISBN 84-95930-12-9. PMC 56339148. (Noiz kontsultatua: 2020-04-12).
↑ Irizar, Pedro. (2008). «Morfología del verbo auxiliar vasco» www.euskaltzaindia.eus (Euskaltzaindia) (Noiz kontsultatua: 2020-04-12).
↑ ^a ^b (Gaztelaniaz) Navarra, Diario de. (2019-12-10). «Una exposición en Condestable homenajea a 14 mujeres que trabajaron por el euskera durante el siglo XX» diariodenavarra.es (Noiz kontsultatua: 2020-04-06).
↑ Las navarras que trabajaron por el euskera salen del anonimato. EITB, 2019.
↑ «Hemen baditun 14 – Aquí ya 14 erakusketak omenaldia eginen die XX. mendean euskararen alde aritu ziren 14 emakumeri, Kondestablen, abenduaren 10etik 20ra | Ayuntamiento de Pamplona» www.pamplona.es (Noiz kontsultatua: 2020-04-06).