Max von der Grün

Max von der Grün
Irudi gehiago
Bizitza
Jaiotza	Bayreuth, 1926ko maiatzaren 25a
Herrialdea	Alemania
Heriotza	Dortmund, 2005eko apirilaren 7a (78 urte)
Hezkuntza
Hizkuntzak	alemana
Jarduerak
Jarduerak	eleberrigilea eta idazlea
Jasotako sariak	ikusi Order of Merit of North Rhine-Westphalia (1991) Prize of the city of Nuremberg (1973) Annette von Droste-Hülshoff prize (1981)

maxvondergruen.de

Max von der Grün (Bayreuth, 1926 – Dortmund, 2005) alemaniar idazlea izan zen.

Biografia

Langile-familia batean hazi zen. Bigarren Mundu Gerran, Estatu Batuetako gudarosteak preso hartu zuen. Aske utzi zutenean, igeltsero hasi zen, baina istripu larri bat izan zuen, eta langintza utzi behar izan zuen. 1950eko hamarkadan argitaratu zituen bere lehen poemak eta narrazio laburrak, sindikatuen argitalpenetan. 1961ean, Fritz Hüserrekin batera, 61eko Taldea sortu zuen. 1962an Dortmunden jarri zen bizitzen, eta literatura-lanetan murgildu zen. Alemaniar idazle ezagunenetako bat da Alemaniatik kanpo, bere langile-literatura soziokritikoarengatik. Dena dela, idazleak berak ez zituen bere testuak langile-literaturatzat hartzen, nahiz eta, lanaren mundua zen bere eleberrien eta kontakizunen gai nagusia eta gertalekua. Haren lehen eleberriak, Männer in zweifacher Nacht (1962, Gizonak gau bikoitzean), meatoki bateko larritasun-egoera deskribatzen du: nola bost meatzarik, luizi baten ondoren, bost egun eta bost gau igarotzen dituzten meategian barruan, askatzen dituzten arte. Irrlicht und Feuer (1963, Argi-txakurrak eta sua) eleberrian, protagonistak meatzariek dituzten lan-baldintza kaskarrak salatzen ditu, nagusien aurrean. Beste obra batzuetan ere —Die Lawine (1986, Elurbizia)—, pertsonaiak gizaki gisa behar duten askatasunaz gabetzen dituen espazioetan aurkitzen dira. Beti langile-gaiak landu zituen arren, Von der Grünek ez zuen joera politiko jakinik adierazi. Berak gizakiak eguneroko bizitza —eta beraz, lana ere bai— duintasunez bizitzeko duen eskubidea besterik ez zuen defendatu.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Autoritate kontrola	Wikimedia proiektuak Datuak: Q77733 Multimedia: Max von der Grün / Q77733 Identifikadoreak WorldCat VIAF: 79735771 ISNI: 0000000109195551 BNE: XX1721257 BNF: 12096471c (data) GND: 118542818 LCCN: n50044602 NDL: 00441878 NKC: jn20000602671 NLA: 35935183 CiNii: DA01045773 SUDOC: 029311780 BIBSYS: 90100094 Open Library: OL5968768A Hiztegiak eta entziklopediak Lur: 02573/eu_g_3196/g3196

Autoritate kontrola