Mario Arana

Bilboko alkate

Bizitza

Jaiotza

Bilbo, 1884ko maiatzaren 24a

Herrialdea

Bizkaia, Euskal Herria

Heriotza

Madril, 1931ko martxoaren 22a (46 urte)

Familia

Anai-arrebak

ikusi

Amado Arana

Hezkuntza

Heziketa

Deustuko Unibertsitatea : zuzenbide

Hizkuntzak

gaztelania

Jarduerak

politikaria, abokatua eta futbolaria

Ibilbidea
Taldeak	Urteak	J	G

Athletic	/

Posizio edo espezialitatea

aurrelaria

Sinesmenak eta ideologia

Alderdi politikoa

Euzko JEL-Batza

Mario Arana Mendibil (Bilbo, 1884ko maiatzaren 24a- Madril, 1931ko martxoaren 22a) bizkaitar futbolari eta politikaria izan zen.

Aranaren aita Francisco Arana Lupardo industrial eta liberala izan zen, El Sitio elkarteko kidea eta Bilboko Udaleko zinegotzia 1883-85ean. Deustuko Unibertsitatean zuzenbidea ikasi eta, aita ez bezala, abertzale sutsua izan zen gaztetik.

1901eko irailaren 5ean, bera eta bere anaia nagusia, Amado, Athletic Clubek Café Garcíako bilera historikoan ofizialki ezarri zituen agiriak sinatu zituzten 33 bazkideen (kofundatzaileen) artean zeuden.^[1]

Haren biografoek diotenez, Mario Arana, nortasunez, Bilboko hizkeran “txirenea” deritzona izen zen. Arana Euzko JEL-Batza alderdikoa zen. 1915ean errege-izendapenaren bidez Bilboko alkate bihurtu zen, euskal nazionalismo hasiberriaren eta monarkiaren arteko hurbiltze-une batean. Izendapen hau Bilboko Batzorde Liberaleko lehendakari Federico Etxebarriak babestu zuen. Gregorio Balparda bezalako monarkiko, sozialista eta errepublikano, berriz, haserre bizian ziren. Bere agintaldian 1917ko Espainiako greba orokorra eta hirian 700 hildako utzi zituen Espainiako gripea gertatu ziren. Autonomiaren aldeko jarrerak erakusteagatik, Gobernadore Zibilak kargugabetu egin eta Gabino Orbe Usabanderasek ordezkatu zuen.^[2]

Palmaresa

Espainiako Futbol Errege Kopa: 1902, 1903 eta 1904

Erreferentziak

↑ (Gaztelaniaz) «El Club Atleta de los Astilleros del Nervión (1889–1894) y el Athletic Club de Bilbao (1901-)» CIHEFE 2021-5-17.
↑ Bilbaopedia. Mario Arana Mendivil. .