Marianne Fritz
| Marianne Fritz | |
|---|---|
| Bizitza | |
| Jaiotza | Weiz (en)  , 1948ko abenduaren 14a |
| Herrialdea |  Austria |
| Heriotza | Viena, 2007ko urriaren 1a (58 urte) |
| Heriotza modua | berezko heriotza: minbizia |
| Hezkuntza | |
| Hizkuntzak | alemana |
| Jarduerak | |
| Jarduerak | idazlea |
| Jasotako sariak | ikusi
|
Marianne Fritz (Weiz, Estiria, 1948 – Viena, 2007) austriar idazlea izan zen.
Unibertsitatean ikasteko aukera alde batera utzi, eta bere kasa hasi zen Letrak ikasten eta liburuak idazten. Izenburu bakarrak biltzen du bere obra guztia: Die Festung (Gotorlekua). Lan horretan, orain arteko mugetatik kanpora eraman du narrazioa; ez da soilik Fritzen bizitzaren eta obraren historia, baizik eta baita Austriako I. eta II. Errepubliken historia, jatorria eta bilakaera deskribatzeko modu erabat berrizale eta ezohikoa. Idatzi zuen lehenengo kontakizuna Die Schwerkraft der Verhältnisse (1978, Gertaeren pisua) izan zen, Medearen bertsio moderno bat. Obra haren ondoren, Das Kind der Gewalt und die Sterne der Romani (1980, Aginpidearen umea eta erromanien izarrak) saga argitaratu zuen, gainerako lanak bezala estilo konplexukoa eta gai askoren erreferentziak biltzen dituena. Dessen Sprache du nicht verstehst eleberrian (1985, Zeinaren hizkuntza ez baituzu ulertzen), Austriako herri batean 1914 aurretik jazotako gertaerak kontatzen ditu. Azken obrak Naturgemäß I. Entweder Angstschweiß Ohnend oder Pluralhaft (1996) eta Naturgemäß II. Es ist ein Ros entsprungen / Wedernoch / heißt sie (1998) ditu.
Kanpo estekak
- (Alemanez) Fritzpunkt proiektua
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q113426
Multimedia: Marianne Fritz / Q113426
