Manometro
Manometro likido edo gas baten presioa edo bi presioren arteko desberdintasuna neurtzeko tresna da, ontzi itxi batean sartutako fluidoen presioa neurtzeko erabiltzen dena bereziki. Manometro sinpleena U formako beirazko hodia da; manometroan, dentsitate jakineko gai bat izaten da (merkurioa, gehienetan); manometroaren alde bat neurtu nahi den fluidoaren ontziari lotzen zaio, hodiaren beste aldea zabalik uzten dela. Hodi barneko gaiak hodian iristen duen mailaren arabera neurtzen da presioa.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
