Maarten Harpertszoon Tromp (Brielle, 1598ko apirilaren 23a - Scheveningengo gudua, 1653ko abuztuaren 10a) Herbehereetako almirantea izan zen. Ingalaterran preso egon ondoren, Herbehereetara itzuli zen, eta itsas armadan sartu zen. 1637. urtean, almirante zela, Hogeita Hamar Urteko Gerran espainiarrak garaitu zituen Gravelinesen eta Dunasko itsas guduan (1639). 1652. urtean Ingalaterrako itsas armadaren aurka jardun zuen Ozeano Atlantikoan. Blake itsasgizon ingelesaren armada garaitu bazuen ere, 1653an gizon haren aurka galdu zuen. Urte berean Monk ingelesak garaitu eta hil zuen Ter Heiden, eta, era horretan, ingelesak bihurtu ziren nagusi.
Erreferentziak
Wikimedia Commonsen badira fitxategi gehiago, gai hau dutenak: Maarten Tromp  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Irudi gehiago
Zazpi Herbehere Batuen Errepublika
Datuak: Q470200
Multimedia: Maarten Tromp / Q470200
