Koklea

Koklea
Irudi gehiago
Xehetasunak
Honen parte	Barne belarria Hezurrezko labirintoa
Konponenteak	Hodi koklearra Arrapala bestibularra Tinpanoko arrapala Helikotrema
Identifikadoreak
Latinez	cochlea
MeSH	A09.246.300.246
TA	A15.3.03.025
FMA	60201
Terminologia anatomikoa

Koklea edo barakuilua entzumenarekin zerikusia duen barne-belarriko zatia da, barakuilu-maskorraren erara kiribildua.^[1] Barruan Cortiren organoa dago, entzumenaren zentzuaren organoa, eta zelula ziliodunak ditu, soinuaren bibrazioak garunera bidaltzen diren nerbio-bulkada bihurtzeko gai direnak.

Egitura

Koklea fluidoz betetako luzetarako hiru ganberek osatzen dute: arrapala tinpanikoak eta arrapala bestibularrak perilinfa dute, eta erdiko arrapalak edo hodi koklearrak endolinfa du. Arrapala tinpanikoa bestibularrarekin komunikatzen da helikotreman, barakuilu-maskorraren erpinean. Hiru ganbera horiek bi mintzek banatzen dituzte: Reissnerren mintzak, arrapala bestibularraren eta arrapala ertain edo koklearraren artean; eta mintz basilarrak, arrapala ertain edo koklearraren eta arrapala tinpanikoaren artean. Mintz basilarrean pausatzen da Cortiren organoa zelula ziliatuekin (entzumen-hartzaileak). Koklea inguratzen duen ardatzari modiolo edo kolumela esaten zaio. Bere ondoan Cortiko gongoil kiribila dago, eta bertatik abiatzen da entzumen-nerbioa (VIII. nerbio kraniala).^[2]

Erreferentziak

Kanpo estekak

• Datuak: Q317857
• Multimedia: Cochlea / Q317857