Killarneyko aintzirak

Killarneyko aintzirak Lakes of Killarney (en), Loch Léin (ga)
Mota	aintzira multzo
Geografia
Koordenatuak	52°02′30″N 9°33′00″W / 52.041666666667°N 9.55°W / 52.041666666667; -9.55
Estatu burujabe	Irlandako Errepublika
Province of Ireland	Munster
Irlandaren banaketa administratiboa	Kerryko konderria
Babestutako-eremua	Killarney Parke Nazionala

Killarneyko aintzirak (ingelesez Lakes of Killarney, irlanderaz Loch Léin) Irlandako hego-mendebaldean dagoen Kerryko konderrian dauden aintzira multzo bat dira. Killarney Parke Nazionalaren barnean kokatzen dira, Killarney udalerritik oso hurbil. Hiru aintzira dira guztira, Leane aintzira, Muckross aintzira eta Upper aintzira. Ingurua menditsua da, eta bertan dago Irlandako mendirik garaiena den Carrauntoohil mendia (1.039m).

Leane aintzira

Hiruretan handiena da, 19 km²-ko azalera dauka. Irlanderazko Loch Léin izenak "ikasbidearen aintzira" esan nahi du, ziurrenik Inisfallengo uhartean zegoen monasterioari egingo dio erreferentzia. Aintziratik Laune ibaia ateratzen da Dingle badiarantz.

Inguruan dituen eraikinen artean aipagarriena Ross gaztelua da. Bestalde, hiru aintziren artean beheren dagoena izanik Killarney herria ere bertan dauka.

Ibilbideak markaturik daude oinez edo bizikletaz ibilaldiak egiteko. Txalupak ere aloka daitezke.

Muckross aintzira

Middle lake ere esaten zaio, beste bi aintziren artean baitago. Muckross izena Muckross abade-etxeak ematen dio. Owengarriff ibaiak 18 metrotako saltoa egiten du aintziran sartu aurretik. Urjauziaren izena "Torc waterfall" da. Dinis uharteak banatzen du Lane aintziratik.

Goiko aintzira

Ingelesez Upper lake, izenak dioen bezala altuen dagoen aintzira da, hiruretan txikiena ere bai. Long Range ibaiak elkartzen du Muckross aintzirarekin.

Iruditegia

• 
  Killarneyko aintzirak Ladies View behatokitik ikusita.
• 
  Ladies View behatokitik harturiko beste ikuspegi bat.
• 
  Muckross aintzira.
• 
  Goiko aintzira.
• 
  Uharteak lotzen dituen zubia.
• 
  Aintzirak azaroan.

Kanpo estekak

• Datuak: Q181613
• Multimedia: Lakes of Killarney / Q181613