Juliana Saratxaga

Juliana Saratxaga

Bizitza
Jaiotza	Aiara, 1911ko abuztuaren 11
Herrialdea	Araba, Euskal Herria
Heriotza	2013ko azaroaren 27a (102 urte)
Jarduerak
Jarduerak	musikaria
Musika instrumentua	panderoa

Juliana Saratxaga (Luiando, Aiara, Araba, 1911ko abuztuaren 17a – Maroño, Aiara, Araba, 2013ko azaroaren 27a) pandero jotzailea eta Maroñoko elizako atezaina izan zen.^[1]

Bizitza

Irakurtzen Maroñoko eskolan ikasi zuen, aitak bestela egurra ematen zien eta. 4-5 pertsona joaten ziren, baina ez zegoen emakumerik. Denborarekin gauzak aldatzen joan ziren. Eskola berria, 1931n egindakoa, urtegiaren azpian geratu zen. Oso gutxi ikasi zuen eskolan. Gauzak eginez ikasi zituen, panderoa jotzen bezala.^[1]

Pandero jotzaile

Gaztetan ikasi zuen pandero jotzen Julianak bere kaxa. Inguruan antolatzen zituzten jaietan beste musikazaleekin elkartu eta jotzen zuen. 9 seme-alaba izan ostean ez zuen jotzeko tarterik hartzen jaietara joateko eta panderoa gorde egin zuen, baina gerora, 102 urtera arte jarraitu zuen panderoa jotzen.

Ni ez naiz zaharra, txikia naiz! Aitak ez zuen panderoa jotzea nahi, ganaduari kasu egitea baizik. Panderoa jotzen behiak zaintzen nengoela ikasi nuen. Makila batekin harria jotzen nuen, zarata egiten zuen arte. Gaztetan erromerietara joaten ginen. Lehen asko kantatu eta dantzatzen genuen denok.^[1]

Atezain

Maroñoko elizako atezaina izan zen. Giltzak berak izaten zituen, eliza garbitu ere egiten zuen eta. Apaizak eta irakasleak urrunetik heltzen ziren. Horregatik, batzuetan Julianaren etxean geratzen ziren lotan.

Erreferentziak

↑ ^a ^b ^c «“Gerra garaian sustoak bakarrik izaten genituen. Ezkutatu egiten ginen. Ez dut gogoratu nahi” - Aiaraldea» Aiaraldea.eus (Noiz kontsultatua: 2022-11-27).