Julen Reketa

Julen Reketa
Irudi gehiago
Bizitza
Jaiotza	Bilbo, 1967ko maiatzaren 3a (57 urte)
Herrialdea	Bizkaia, Euskal Herria
Hezkuntza
Hizkuntzak	euskara gaztelania
Jarduerak
Jarduerak	mendigoizalea

Julen Reketa Anton (Bilbo, 1967ko maiatzaren 3a - ) mendigoizale laudioarra da.

Biografia

Lehen urteak Ugaon eman eta gero Laudion bizi izan da.

Txikitatik Pirinioak eta Alpeak izan ziren bere helburuak: Aneto, Vinhamala, Pocets, Mont Blanc, Matterhorn, Monte Rosa...

1996tik aurrera Europatik kanporako espedizio batzuetako kidea izan da. Hartutako esperientziarekin mendi-gidari profesionala bihurtu eta horretan ari da lanean egun, Mendiak eta Herriak elkartean.

Euskaltzalea, sarritan euskara eta mendia uztartzen dituzten ekimenetan esku hartu du, kasurako: Aiaraldeko berbalagun taldeei emandako hitzaldia^[1] edo hainbeste ikastetxetan burututakoak.

Espedizioak

Berarekin gehienetan joan den mendizalea Patxi Goñi irunberriarra da.

1996: Pamir (Tajikistan); Vorobiev (5691 m), Txetirek (6400 m), Korgenevskaia (7105 m).
1997: Cordillera Blanca Andeetan; Urus (5495 m), Ishinca (5530 m), TocLlarraju (6034 m), Waskaran (6768 m), Artesonraju (6025 m; hegoaldetik).
1998: Tian Shan (Kirgizia); Jengish Chokusu^[2] (iparraldeen dagoen munduko zazpimilakoa da, 7439 m); euskal herritar baten lehen igoera.
1999: Karakorum (Pakistan); Gasherbrum II (8035 m). Bere lehen zortzimilakoa.
2001: Himalaia; Imja Tse (6189 m) eta Everest (8850 m).
2003: Karakorum; Broad Peak (8047 m); ez zuen tontorra lortu eta 7500 m-tan geratu zen. Patxi Goñi eta Alex Txikon lemoarraren laguntzaz^[3] “Nazioarteko bake eta laguntasun espedizioa” izena izan zuen.^[4]
2004: Pamir-Alai; Ibn Sina tontorra^[5] (7134 m; lortutako altuera: 6500 m).
2007: Kangchenjunga (8586 m; lortutako altuera: 8100 m). eta Íñigo de Pineda katalana espediziokidea hil egin zen
2008: Muztagh Ata (Ekialdeko Turkestan); 7546 m, lortutakoa: 7300 m.
2009: Elbrus (5642 m).
2009: Kangchenjunga; ezin izan zen tontorrera heldu.^[6] Edurne Pasabanen espedizioari laguntza eman zioten.

Irakurketa

El recuerdo de Iñigo Pineda nos lleva al Kangchenjunga artikulua, Alberto Zerain, Pyrenaica aldizkaria, 236 zenbakia, 428-433.or.

Erreferentziak

↑ Hitzaldiaren berri Aiaraldeko berbalagunen blogean.
↑ Ofizialki hala deituta kirgizeraz, errusierazko Pik Pobedy edo Pobeda izenez ere ezaguna da. Uigurreraz Tömür.
↑ Espedizioa^{[Betiko hautsitako esteka]} Berrian.
↑ AEB, Australia, Belgika, Pakistan eta Kanadako kideekin batera burutu zuten.
↑ Ofizialki hala deitua Tajikistanen, Avizena zientzialariaren omenez; Kirgizian Lenin Chokusu izena darama, sobietar garaikoa.
↑ Espedizioaren berri Goierriko Hitza agerkarian.

Ikus, gainera

Kanpo estekak

(Gaztelaniaz) Mendiak eta Herriak elkarteko giden fitxak, Reketarena barne.
Euskaldunak Everesten Sustatun.
(Ingelesez) Reketaren fitxa Broad Peakerako espedizioan.