Juan Mari Agirreurreta

Juan Mari Agirreurreta

Bizitza
Jaiotza	Pasai Donibane, 1977 (46/47 urte)
Herrialdea	Gipuzkoa, Euskal Herria
Bizilekua	Aretxabaleta
Hezkuntza
Heziketa	Deustuko Unibertsitatea Euskal Herriko Unibertsitatea
Jarduerak
Jarduerak	irakaslea, filosofoa eta itzultzailea
Jasotako sariak	ikusi Txiotesia saria (2018)

Juan Mari Agirreurreta Elosegi (Pasai Donibane, 1977) Filosofian doktorea da eta lanbidez frantses irakaslea. Euskal Filologian lizentziatu zen Deustuko Unibertsitatean 1999an. Filosofiako doktorego tesia Euskal Herriko Unibertsitatean aurkeztu zuen 2017an.^[1]^[2]

Ikertzailea

Doktorego-tesian Jean-Paul Sartreren obra filosofiko nagusiari heldu zion: Izatea eta Ezereza (L’Être et le néant, 1943).^[2] Ikerketan zehazki tratatu filosofikoaren "Begirada" (Le Regard) kapitulu luzea aztertu zuen eta baita euskaratu ere.^[3] Jakinek itzulpen hori argitaratu zuen 2017an. Sartreri buruz euskaraz egin den lehen doktore tesia da. Ikerketak euskarazko doktore-tesien VI. Koldo Mitxelena saria irabazi zuen 2019an.

Irakaslea

Agirreurreta frantses irakaslea da Derrigorrezko Bigarren Hizkuntzan (DBH).

Itzultzailea

Hainbat liburu itzuli ditu:

Victor Hugo, Kondenatu baten azken eguna (Elkar, 2010);
Tomas Tranströmer, Bizientzat eta Hilentzat (Elkar, 2012);
Jean-Paul Sartre, Begirada (Jakin, 2017).

Sariak

2019: Euskarazko doktore-tesien VI. Koldo Mitxelena saria.^[4]
2018: Txiotesia lehiaketako irabazlea txiolari originalenaren sarian.^[5]^[6].
2011: AEDk antolatu zuen palindromo-lehiaketa irabazi zuen "Utzi penak Ane, piztu!" palindromo labur baina oso ulergarri eta zentzudunarekin.^[7]
2010: Jokin Zaitegi itzulpen saria Literaturako Nobel sari bat euskaratzeko.^[8]

Erreferentziak

↑ juan mari agirreurreta | Artizarra. (Noiz kontsultatua: 2020-11-16).
↑ ^a ^b «Juanmari Agirreurreta: "Nirea Sartreri buruz euskaraz egin den lehen doktore tesia da… Betoz hamaika ikerketa eta betoz euskaraz guztiak" — Unibertsitatea.Net» www.unibertsitatea.net (Noiz kontsultatua: 2020-11-16).
↑ Aguirreurreta Elosegui, Juan Maria. (2017). Fikzioa J.-P. Sartreren diskurtso teorikoan: Fikzioaren antolamendua L'Être et le Néant obra filosofikoaren "Begirada" kapituluan. UPV/EHU (Noiz kontsultatua: 2020-11-16).
↑ irudia, Komunikazioa eta. (2019-04-04). «Asier López, Olatz Pérez, Mikele Macho, Juan Mari Aguirreurreta eta Miren Ibarluzea dira Euskarazko Tesien VI. Koldo Mitxelena Sarien irabazleak» www.euskaltzaindia.eus (Noiz kontsultatua: 2024-02-03).
↑ «Txiotesia lehiaketa - Irabazleak» www.unibertsitatea.net (UEU - Unibertsitatea.Net) (Noiz kontsultatua: 2020-11-13).
↑ «Fikzioa J.-P. Sartreren diskurtso teorikoan — Unibertsitatea.Net» www.unibertsitatea.net (Noiz kontsultatua: 2020-11-16).
↑ Garcia, Adrian. (2011-02-22). «Hizkuntzarekin jolasean» Berria (Noiz kontsultatua: 2024-02-01).
↑ «Juan Mari Agirreurreta Jokin Zaitegi sariaren irabazle • ZUZEU» ZUZEU 2012-02-06 (Noiz kontsultatua: 2020-11-17).

Kanpo estekak

Juanmari Agirreurreta: "Nirea Sartreri buruz euskaraz egin den lehen doktore tesia da… Betoz hamaika ikerketa eta betoz euskaraz guztiak" (Unibertsitatea.net, 2018).