Joseba Beloki

Joseba Beloki
Irudi gehiago
Bizitza
Jaiotzako izen-deiturak	Joseba Beloki Dorronsoro
Jaiotza	Lazkao, 1973ko abuztuaren 12a (50 urte)
Herrialdea	Gipuzkoa, Euskal Herria
Familia
Seme-alabak	ikusi Markel Beloki
Anai-arrebak	ikusi Gorka Beloki
Hezkuntza
Hizkuntzak	euskara gaztelania
Jarduerak
Jarduerak	txirrindularia
Ibilbidea
Taldeak	Urteak
Euskaltel-Euskadi	1998-1999
Festina	2000-2000
ONCE	2001-2003
Bouygues Télécom	2004ko urtarrila-2004ko ekainaren 15a
Saunier Duval-Prodir	2004ko abuztuaren 1a-2004ko abenduaren 31
ONCE	2005-2006
Parte-hartzailea Espainiako Vuelta Frantziako Tourra 2000 UCI Road World Rankings (en) (25.) 2001 UCI Road World Rankings (en) (13.) 2002 UCI World Road Rankings (en) (12.) 2003 UCI Road World Rankings (en) (178.)
Altuera	1,78 metro

Joseba Beloki Dorronsoro (Lazkao, Gipuzkoa, 1973ko abuztuaren 12a) euskal txirrindularia izan zen, profesionala 1998tik 2007ra. Afizionatu mailan,Kaiku taldean izan zen. Igotzaile ona eta erlojupeko etapetan ondo moldatzen zen. Miguel Indurainen atzetik, Frantziako Tourreko podium gehien dituen euskal txirrindularia da.

2003ko Uztailaren 14an ezbehar bat izan zuen. Frantziako Tourreko bederatzigarren etapa zen eta Lance Armstrong liderrarekin zihoan maldan behera Alexander Vinokourov harrapatzeko asmotan. Baina bihurgune batean, bere bizikletaren kontrola galdu zuen eguzkiak desegindako asfalto zati baten gainetik igaro ondoren. Horren ondorioz eroriko handia hartu zuen; izterrezurra, ukondoa eta eskuineko eskumuturra hautsi zituen. Erorketa horren ondoren, bere sasoirik onena galdu zuen eta harrezkero oso lasterketa gutxi amaitu ditu.

2006an sasoi onera itzultzen ari zenean Puerto Operazioan inplikatu zuten, ustez dopaketa kasu batzuekin zerikusirik zuelakoan. Gainera, bete-betean inplikaturik zegoen Eufemiano Fuentes medikuaren bezero bezala agertzen zen operazio honetako sumarioan. Eskandalu honen ondorioz, ezin izan zuen 2006ko Frantziako Tourrean parte hartu. Alabaina, 2006ko uztailaren 26an Joseba errugabetu zuten. Azkenean, 2007ko abenduan, erretiroa hartzea erabaki zuen, dopajearen krisiaren erruz behartua.

Taldeak

• Euskaltel-Euskadi (1998-1999)
• Festina Chronomatiques (2000)
• ONCE-Eroski (2001-2003)
• Brioches La Boulangère-Vendée (2004)
• Saunier Duval (2004)
• Liberty Seguros (2005)
• Astana-Würth (2006-2007)

Palmaresa

Amateurra

1995

• Granadako Itzulia

1996

• Euskal Herriko erlojupeko txapelketa
• Arabako erlojupeko txapelketa
• Santikutz Klasika
• Corte Ingles Saria
• 3. Ávilako Itzulian

1997

• Euskal Herriko erlojupeko txapelketa
• Goierriko Itzuliko etapa bat
• Arabako Itzulia eta etapa bat
• Altzoko Igoera
• Salamancako Itzuliko etapa bat
• 2. Espainiako erlojupeko txirrindularitza txapelketan

1998

• 5. Etorkizuneko Tourrean eta Mendiko sailkapena

Profesionala

1999

• 3. Espainiako errepideko txirrindularitza txapelketan
• 4. Dauphine Liberen
• 4. Kataluniako Voltan

2000

• Asturiasko Itzulia eta etapa 1.
• Romandiako Tourreko etapa 1.
• 3. Frantziako Tourreko sailkapen nagusian.
• 6. Aragoiko Itzulian

2001

• Kataluniako Volta, puntukako sailkapena eta 3 etapa.
• 2. Euskal Bizikletan
• 2. Montjuïceko Igoeran
• 3. Frantziako Tourrean.
• 4. Getxoko Zirkuituan

2002

• Euskal Bizikletako etapa 1.
• Montjuïceko Igoera eta sektore 1.
• 2. Frantziako Tourrean eta etapa 1 (taldekako erlojupekoa).
• 3. Espainiako Vueltan eta etapa 1 (taldekako erlojupekoa).
• 2. Montjuïceko Igoeran
• 3. Asturiasko Itzulian.
• 8. Lombardiako Giroan.

2003

• Alcobendasko Klasika eta etapa 1.
• 2. Euskal Bizikletan eta etapa 1.

Sailkapen orokorra Itzuli Handietan

Itzuli Handia	1998	1999	2000	2001	2002	2003	2004	2005
Italiako Giroa	—	—	—	—	—	—	—	UT
Frantziako Tourra	—	—	3.	3.	2.	UT	—	75.
Espainiako Vuelta	—	UT	—	UT	3.	—	UT	40.
Munduko Txapelketa	—	—	—	45.	112.	—	—	—

Legenda

—	Ez zuen osatu
DSK	Deskalifikatua
UT	Utzi

Kanpo estekak

• Datuak: Q346495
• Multimedia: Joseba Beloki / Q346495