José Ramón Arteta

José Ramón Arteta
Irudi gehiago
Bizitza
Jaiotzako izen-deiturak	José Ramón Arteta Foruria
Jaiotza	Ispaster, 1934ko uztailaren 3a (89 urte)
Herrialdea	Bizkaia, Euskal Herria
Familia
Seme-alabak	ikusi Ainhoa Arteta
Hezkuntza
Hizkuntzak	gaztelania
Irakaslea(k)	Tomás Aragüés Bernad Víctor Zubizarreta Samuel Rubio Calzón ^(en) Francisco Escudero
Jarduerak
Jarduerak	musikagilea

José Ramón Arteta Foruria (Ispaster, 1934ko uztailaren 3a) musika klasiko konpositore bizkaitarra da.^[1]

Biografia

Gerardo Arteta Altoarana eta Crispina Foruria Uriarteren semea,^[2] lehen hezkuntza Aita Sakramentinoetan egin zuen eta gero Giza Zientziak, Filosofia eta Teologia ikasi zituen. Ostean magisteritza ikasketak burutu zituen.^[3]

1958an Tolosara joan zen bizitzera eta Eskolapioetan irakasle bezala lanean hasi zen. Esther Ibarrolabururekin ezkondu zen eta haurrak izan zituen:^[3] Gerardo^[4] eta gaur soprano den Ainhoa Arteta.^[5]

Musika ibilbidea

Tomás Aragüesen eta Víctor Zubizarretaren ikaslea izan zen Bilboko Kontserbatorioan. Kantu gregorianoa eta polifonia sakroa ikasi zuen Samuel Rubio-rekin.^[1] Ahots-hezitzaile ikasketak ere egin zituen.^[4]

1973an kontrapuntu, fuga eta konposizioa ikasketak abiatu zituen Francisco Escudero-rekin.^[1]

1976an, Tolosako Eresoinka Abesbatza sortu eta zuzendu zuen, kalitate handiko haur-talde bat sortzeko helburuarekin; abesbatzarekin hainbat sari lortu zituzten^[6] besteak beste, 1983ko Unicef lehen sari nazionala. Parisen, Kosta Urdinean, Grezian edo Jugoslavian hainbat aldiz izan ziren.^[2] 1990ean, Lekeitioko Itxas Soinua Koruaren zuzendaritza hartu zuen.^[7]^[8]

2006an, Eresoinkaren sorreraren 30 urteurrena zela eta, Tolosan omenaldi bat jaso zuen.^[2]

Hainbat abeslari prestatu ditu, hala nola Ainhoa Arteta, Amaia Arberas, Amaia Urteaga, Beñat Egiarte, Naroa Enekotegi^[9] edo Marife Nogales.^[10]^[11] Gaur egun haurrentzako ahots hezkuntza eskola bat sortzeko lanean ari da.^[3]

Konposizioak

Gaztearoak (Urtearoak). Abesbatza eta orkestra. Nazioarteko Konposizio Saria 1984.
Soka Laukotea 1986
Sinfonia. Orkestra. 1987
Kontzertua. Pianoa. 1988
Kontzertua. Pianoa. 1990
Agur Maria
Arrantzara
Boga Boga
Du di du
Illerri otoitza
Iñauterik
Tuca
Udaberria
Udazkena

Erreferentziak

↑ ^a ^b ^c «ccm :: Arteta, Jose Ramon Arteta» composers-classical-music.com (Noiz kontsultatua: 2019-07-15).
↑ ^a ^b ^c (Gaztelaniaz) «Las chicas de José Ramón» El Diario Vasco 2006-03-13 (Noiz kontsultatua: 2019-07-15).
↑ ^a ^b ^c (Gaztelaniaz) Telleria, Mikel G. (2011). Enciclopedia general básica de Tolosa. Zazpiko Kultur Elkartea PMC 796297262. (Noiz kontsultatua: 2019-07-15).
↑ ^a ^b Jose Ramon Artetaren komunikazio pertsonala.
↑ «Biografía de Ainhoa Arteta» www.buscabiografias.com (Noiz kontsultatua: 2019-07-15).
↑ (Gaztelaniaz) País, Ediciones El. (1978-11-07). «Certamen de canción y polifonía vascas» El País ISSN 1134-6582. (Noiz kontsultatua: 2019-07-15).
↑ Josko. (2006-12-20). «LEKEITIO: NUESTRA SEÑORA DE LA ANTIGUA: Itsas Soinua» LEKEITIO (Noiz kontsultatua: 2019-07-15).
↑ (Gaztelaniaz) «Clausura del Festival Internacional de Música de Lekeitio» www.bizkeliza.org (Noiz kontsultatua: 2019-07-15).
↑ «el camino del triunfo» estudiantes.elpais.com (Noiz kontsultatua: 2019-07-15).
↑ (Gaztelaniaz) «Porque yo lo canto» El Diario Vasco 2009-02-25 (Noiz kontsultatua: 2019-07-15).
↑ «Marife Nogales, mezzo sopranoa - Eskualdea» Aiurri.eus (Noiz kontsultatua: 2019-07-15).^{[Betiko hautsitako esteka]}