Jacques Prévert

Jacques Prévert
Irudi gehiago
Bizitza
Jaiotzako izen-deiturak	Jacques André Marie Prévert
Jaiotza	Neuilly-sur-Seine, 1900eko otsailaren 4a
Herrialdea	Frantzia
Bizilekua	Maison Jacques-Prévert (en) Cité Véron (en)
Lehen hizkuntza	frantsesa
Heriotza	Teloché, 1977ko apirilaren 11 (77 urte)
Hobiratze lekua	Cimetière d'Omonville-la-Petite (en)
Heriotza modua	berezko heriotza: birikako minbizia
Familia
Ezkontidea(k)	Janine Tricotet (en)  (2027ko martxoaren 4a -  2050eko apirilaren 11) Simone Dienne (en)  (2777ko martxoaren 1a -
Anai-arrebak	ikusi Pierre Prévert (en)
Hezkuntza
Hizkuntzak	frantsesa
Jarduerak
Jarduerak	poeta, gidoilaria, antzerkigilea, marrazkilaria, idazlea, errealizadorea eta kanta-idazlea
Lan nabarmenak	ikusi Paroles (en)
Sinesmenak eta ideologia
Alderdi politikoa	Frantziako Alderdi Komunista

Jacques Prévert (Neuilly-sur-Seine, 1900eko otsailaren 4a - Omonville-la-Petite, 1977ko apirilaren 11) frantses olerkaria eta zinema-idazlea izan zen.

Joseba Tapiak Prévert-en Umearen ehiza izeneko bertsoak (1934) sartu zituen Real Politik albumean (2006), Koldo Izagirreren itzulpena eta Joseph Kosmaren doinu batekin.^[1][2]

Biografia

1925ean talde surrealistako kide egin zen, baina 1928an taldetik bota zuten, diziplinarik ez omen zuelako.

1932tik 1936ra Octobre antzerki-taldean aritu zen, idazle eta aktore gisa. Aldi berean, zinemarako idazten hasi zen. Garai hartan idatzi zituen bere anaia Pierre Préverten L´affaire est dans le sac (1932, Afera zakuan dago) eta Jean Renoiren Le crime de M. Lange (1935, M. Langeren hilketa) filmen gidoiak eta elkarrizketak.

Handik aurrera, hogeita hamabost bat filmetan parte hartu zuen, besteak beste: Jenny (1936), Drôle de drame (1937, Drama bitxia), Quai des brumes (1938, Lanbroen kaia), Le jour se lève (1939, Eguna argitzen da), Les visiteurs du soir (1942, Arratseko bisitariak), Les enfants du paradis (1945, Paradisuko haurrak), Les portes de la nuit (1946, Gaueko ateak).

1946an argitaratu zuen bere lehenengo olerki-bilduma, Paroles (Hitzak), arrakasta handia izan zuena; liburu horretako olerki asko kantu bihurtu ziren, eta oso ezagunak egin ziren. Beste liburuak: Histoires (1946, Historiak), André Verdetekin batera idatzia; Spectacle (1951, Ikuskaria), La Pluie et le Beau Temps (1955, Euria eta eguraldi ona), Fatras (1965), Choses et autres (1972, Gauzak eta beste), Hebdomadaires (1975, Asterokoak), Arbres (1976, Zuhaitzak).

Wikimedia Commonsen badira fitxategi gehiago, gai hau dutenak: Jacques Prévert

Erreferentziak

Kanpo estekak

• «Jacques Prevert euskaraz» Zazpi bertso itzulita. www.armiarma.eus