Gure Zirkua

Gure Zirkua Euskal Herrian sorturiko zirku ibiltaria da, bertako langile eta artistek egiten dutena eta euskalduna.^[1] Iker Galartza eta Joseba Usabiaga dira lantaldearen aurpegi ezagunak eta aurkezle lanak egiten dituztenak.

Historia

2017 urtean Luxenburgon karpa bat erosi^[2] eta entsaioetan hasi ziren. Atzerrian ari diren hainbat artista euskaldun animatu ziren proiektuan parte hartzera. 2017ko udazkenean Tolosan emanaldi batzuk egin zituzten^[3] eta arrakasta ikusita serio hartu eta 2018ko udarako Euskal Herrian zehar bira egitera animatu ziren. Bira honetako lehenengo geldialdia Amezketan izan zuten ekainaren 28an^[3] eta hurrengo hilabetetan Gipuzkoa, Bizkaia eta Nafarroako hainbat herritan ibili dira.^[4] Herri bakoitzean lauzpabost egun egiten dituzte.

Amezketa, Aia, Zumaia, Ordizia, Ondarroa, Gorliz, Zarautz, Urretxu, Eskoriatza, Urdiain, Elgeta eta Donostia izan dira 12 herriak.

Lantaldea

Honako hauek dira Gure Zirkuko artistak:^[1]

Joseba Usabiaga: Don Martin aurkezlea
Iker Galartza: Poxpolo pailazoa
Ortzi Acosta: akrobata
Agurtzane Telleria: akrobata
Asier Kidam: magoa
Imanol Ituiño: magoa
Ekain Ibarguren: malabarista
Ane Miren: kontorsionista
Iraitz Lizarraga: trapezista
Ibon Mendibil: musikaria
Unai Zabaleta: musikaria

Erreferentziak

↑ ^a ^b «Gure Zirkuaren bira ibiltaria: lehen geltokia» https://ataria.eus (Noiz kontsultatua: 2018-10-07).
↑ «Koldo Arakistain: “Jendeak zirkuarekiko dituen aurreiritziak aldatzen ari dira”» urolakosta.hitza.eus (Noiz kontsultatua: 2018-10-07).^{[Betiko hautsitako esteka]}
↑ ^a ^b «Gure Zirkuak Amezketan egingo du birako lehen geldialdia» https://ataria.eus (Noiz kontsultatua: 2018-10-07).
↑ «'Gure zirkua', Debagoienean» https://goiena.eus (Noiz kontsultatua: 2018-10-07).