Gianni Versace

Gianni Versace
Irudi gehiago
Bizitza
Jaiotza	Reggio di Calabria, 1946ko abenduaren 2a
Herrialdea	Italia
Heriotza	Miami Beach, 1997ko uztailaren 15a (50 urte)
Hobiratze lekua	Moltrasio
Heriotza modua	giza hilketa
Hiltzailea	Andrew Cunanan (en)
Familia
Bikotekidea(k)	ikusi Antonio D'Amico (en)
Anai-arrebak	ikusi Santo Versace Donatella Versace
Familia	ikusi Allegra Versace (en) (iloba)
Hezkuntza
Hizkuntzak	italiera ingelesa
Jarduerak
Jarduerak	ekintzailea, diseinatzailea, jantzi-diseinatzailea, moda-diseinatzailea eta jostuna
Jasotako sariak	ikusi Italiako Errepublikako Merituaren Ordenako komendadore
versace.com

Gianni Versace (Reggio Calabria, Calabria, 1946ko abenduaren 2a - Miami Beach, 1997ko uztailaren 15a) italiar diseinatzailea izan zen. XX. mendeko azken hogeita bost urteetako modaren munduko diseinatzaile handienetako bat. Italiako prêt-à-porter delakoaren jaiotzaren protagonista nagusia izan zen.

Gaztetan amaren tailerrean aritu zen lanean, eta 1972. urtean Milana joan zen, Genny, Complice eta Callaghan etxeekin lan egitera. 1970eko hamarraldiaren bukaeran Complice etxeak new romantic estiloa sortu zuenez geroztik, moda dotorea moda informalarekin eta emakumezkoarena gizonezkoarenarekin nahasten eta batzen saiatu zen buru-belarri. Bere jantzietan zeta, larrua, metala eta plastikoa erabili zituen, oihal estanpatuak, brodatuak eta erliebezko apaindurak. Tradizioa kontuan hartzen bazuen ere, Versacek ez zuen itzulera nostalgiko bat proposatzen, janzkera berezi eta konplexua baizik, Estatu Batuetako eragina eta gazteen kultura kontuan hartuko zituena. Bestalde, antzerki-lanetarako jantziak prestatu zituen, batez ere Maurice Béjarten balleteko dantzarientzat, eta osagaiak, lurrinak, azpiko arropa eta haurrentzako arropa ere egin zuen. 1997ko uztailean Miamiko bere etxe aurrean hil zuten.

Erreferentziak

Wikimedia Commonsen badira fitxategi gehiago, gai hau dutenak: Gianni Versace

• Datuak: Q264490
• Multimedia: Gianni Versace / Q264490