Georgi Sviridov

Georgi Sviridov
Bizitza
Jaiotza	Fatezh (en) , 1915eko abenduaren 16a
Herrialdea	Errusiar Inperioa  Sobietar Errepublika Sozialisten Batasuna  Errusiako Sobietar Errepublika Sozialista Federatiboa  1922)  Errusia
Heriotza	Mosku, 1998ko urtarrilaren 6a (82 urte)
Hobiratze lekua	Novodevitxi hilerria
Heriotza modua	berezko heriotza: miokardio infartu akutua
Hezkuntza
Heziketa	San Petersburgoko Musika Kontserbatorioa (1936 - 1941)
Hizkuntzak	errusiera
Irakaslea(k)	Dmitri Xostakovitx
Jarduerak
Jarduerak	musikagilea, piano-jotzailea eta soinu banda konpositorea
Lan nabarmenak	ikusi Time, Forward! (en)
Jasotako sariak	ikusi Stalin Prize  (1946) Sobietar Batasuneko Estatuko Saria  (1968, 1980) Leninen Ordena  (1965eko abenduaren 16a, 1971ko uztailaren 2a, 1975eko abenduaren 18a, 1985eko abenduaren 13a) Lan Sozialistaren Heroia  (1975) People's Artist of the USSR  (1970) ESESFeko Herri Artista  (1953) Lenin Prize  (1960) State Prize of the Russian Federation  (1994) Medal "For Valiant Labour in the Great Patriotic War 1941–1945" honorary citizen of Moscow  (1997) Order "For Merit to the Fatherland", 2nd class  (1995eko abenduaren 10a) Medal "In Commemoration of the 850th Anniversary of Moscow" Jubilee Medal "In Commemoration of the 100th Anniversary of the Birth of Vladimir Ilyich Lenin" Prize of the President of the Russian Federation
Kidetza	Sobietar Musikagileen Elkartea
Genero artistikoa	opera sinfonia Abesbatza symphonic music (en) musika korala
Musika instrumentua	pianoa
georgysviridov.narod.ru

Georgi Sviridov (Fatezh, Kursketik hurbil, 1915eko abenduaren 16a - Mosku, 1998ko urtarrilaren 6a) errusiar musikagilea izan zen.

Biografia

Musika-ikasketak Kursken hasi zituen (1929-1932), eta ondoren Leningradeko kontserbatorioan lan egin zuen. Kontserbatorio horretan, pianoa ikasi zuen (1932-1936), eta ondoren konposizioa (1937tik aurrera). Konposizioko diploma 1941. urtean lortu zuen. Lehenengo lanak ikasketa-urteetakoak ditu: Kontzertua pianorako 1. (1936-1939), Benetako ezkongaia opereta (1939), Harizko orkestrarako sinfonia (1940). Erromesaren kantua lanean (1943), ahozko musikarako zuen zaletasuna erakutsi zuen Sviridovek.

1945ean Stalin saria irabazi zuen Hirukotea pianorako lanarengatik. 40ko hamarkadaren amaieran Stalinen gobernuak musikari modernoak zigortu zituen, eta herri-musikaren oinarrietara itzultzearen alde egin zuen. Sviridov izan zen garai horretan kalitatezko musika egin zuen bakarretakoa. 1956an Moskun hartu zuen bizilekua. 1962tik 1974ra bitartean Sobietar Batasuneko musikagileen Elkarteko idazkari izan zen, eta ondoren Errusiako Errepublikako elkarteko presidente.

1970ean Sobietar Batasuneko Herriaren Artista izendatu zuten. Oratorio patetikoa (1959) lana, Maiakovskiren testu batean oinarritua, arrakastatsuenetako bat izan zen, eta 1960an Lenin saria eman zioten. Lan ofizialen ildotik idatzi zituen Kantua Lenini buruz (1960) eta Oda Lenini (1976). Hala ere, orkestrarako idatzi zuen Triptiko txikia (1964) lanarekin gainditu zituen Sviridovek Errusiako mugak. Ganberarako musika sobietar erregimenaren beheraldiaren ondoren hasi zen kaleratzen: Kintetoa pianoarekin (1945), Hirukotea pianoarekin (1945), bi laukote harizko tresnetarako (1945-1946 eta 1947-1948). Hala ere, bere musikaren zatirik onena ahotsetarako partituretan eman zuen.

Erreferentziak

• Datuak: Q467738
• Multimedia: Georgy Sviridov / Q467738