Geofisika
Geofisikak Lurrari buruzko azterketak egiteko fisikaren printzipioez eta metodoez baliatzen den zientziaren alorra da. Lurraren barne egitura, kondizio fisikoak eta lurraren eboluzioa aztertzen ditu. Islapena eta errefrakzioa erabiltzen ditu, grabimetria, elektromagnetismoa, magnetismoa eta erradiazioa erabiltzen ditu metodologia gisa. Geofisikak grabitatea, Lurraren magnetismoa, itsasaldiak, lurrikarak, tsunamiak, mendien sorrera, sumendiak, tenperatura, eremu magnetikoak eta lur geruzen ezaugarriak ikertzen ditu, bai eta atmosferako goialdeko geruzak ere.
Zerikusi handia du geokimika, geodesia, geologia, meteorologia eta ozeanografia alorrekin. Petroleo edo gas natural hobiak, meategiak eta ura bilatzeko, eta eraikuntzak bermatu behar diren lurreko materialen erresistentzia ezagutzeko erabiltzen da, batez ere, geofisika.
Ikus, gainera
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
| Autoritate kontrola |
|---|
Datuak: Q46255
Multimedia: Geophysics / Q46255
