Gasometro
Gasometroa gas kantitate jakin bat aldaera gabeko presio maila batean gordetzeko ontzia da. Hiru eratako gasometroak erabiltzen dira; ur galdarazko gasometroak, gasometro lehorrak eta esfera itxurako gasometroak.
- Ur galdarazko gasometroak uretan murgildutako kanpai itxurako ontzi bat izaten du. Gasak kanpaia betetzen duenean ontzia igo egiten da eta uraren mailatik gora gelditzen da.
- Gasometro lehorra goitik beherako zilindro bat izaten da, barruan enbolo gisako disko bat duena. Gasa ontzian sartzen denean diskoa gora bultzatzen du eta diskoaren presioaren pean geratzen da gasa.
- Esfera itxurako gasometroetan presioz sartzen da gasa; mota honetakoak dira gasometro merkeenak, bere itxura dela eta gas kantitate gehiena gorde dezakeelako, eta presioa jasateko pareta lodiko ontzirik behar ez duelako.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2017-04-25 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
| Autoritate kontrola |
|---|
Datuak: Q962715
Multimedia: Gasometers / Q962715
