Françoise Barré Sinoussi

Françoise Barré Sinoussi
Irudi gehiago
Bizitza
Jaiotzako izen-deiturak	Françoise Claire Sinoussi
Jaiotza	Parisko 19. barrutia eta Paris, 1947ko uztailaren 30a (76 urte)
Herrialdea	Frantzia
Hezkuntza
Heziketa	Parisko Unibertsitatea
Hizkuntzak	frantsesa
Jarduerak
Jarduerak	biologoa, birologoa, directeur de recherche (en) , unibertsitateko irakaslea eta ikertzailea
Enplegatzailea(k)	Institut national de la santé et de la recherche médicale Pasteur Institutua  (1988 -
Jasotako sariak	ikusi Ohorezko Legioko gurutze handia  (2016ko abenduaren 30a) Medikuntzako Nobel Saria  (2008) King Faisal International Prize in Medicine  (1993) Women in Technology Hall of Fame  (2006) Fellow of the Academy of Medical Sciences honorary doctorate from the McGill University Officer of the National Order of Merit  (2002ko apirilaren 30a) UCL Prize Lecture in Clinical Science  (2016) Medal of the City of Paris  (2008) Ginebrako Unibertsitateko honoris causa doktoregoa  (2020)
Kidetza	Frantziako Zientzien Akademia European Molecular Biology Organization (en) Reial Acadèmia de Medicina de Catalunya (en)

Françoise Barré-Sinoussi (Paris, Frantzia, 1947ko uztailaren 30a) zientzialaria da, birologian aditua. 2008 urteko Medikuntzako Nobel Sariaren irabazlea izan zen, Luc Montagnier eta Harald zur Hausenekin batera.

Biografia

1970eko hamarkadaren hasieran, Parisko Pasteur Institutura batu zen. Zientzietan, biokimikan, doktoratu zen 1974an, eta 25 urte zituenetik ikertzaile bezala egiten du lan Parisko Pasteur Institutuan. Bere erretrobirologiako lorpenak 1983tik ezagutzen dira, Science aldizkarian argitaratutako txosten bategatik. Bertan, GIB erretrobirusaren aurkikuntza azaltzen zuen, horixe izanik HIESA eragiten duen erretrobirusa.

HIESak gehien jotako herrialdeetan bidaiak egin ditu, arlo horretan gehien behar duten herrialdeei lagundu ahal izateko, diagnostikoa hobetu eta hau kontrolatu ahal izateko.

2008an Fisiologia eta Medikuntza Nobel Saria irabazi zuen Luc Montagnier eta Harald zur Hausenekin batera 1983an egin zuten HIESaren aurkikuntzagatik.^[1]

2012-2014 urte bitartean IAS - HIESaren Nazioarteko Elkarteko lehendakaria izan zen. 2012an HIESaren aurkako Nazioarteko XIX. Konferentziaren amaieran izendatu zuten lehendakari,^[2] eta bi urtez egon zen karguan, 2014ko HIESaren aurkako Nazioarteko XX. Konferentziaren burua izanik.^[3][4]

Gaur egun, Pasteur institutuko Infekzio Erretrobiralen Unitateko zuzendaria da. Horretaz gain, HIESaren Gobernu Kontseiluko Elkarte Internazionaleko kide da. 200 publikazio baino gehiago burutu ditu jada, eta beste hainbeste artikulu zientifiko, gainera, konferentzia eta kongresu askotan hartzen du parte. Egungo ikerketak birusaren eramaileetan zentratzen ditu, eramaile baina gaixotasuna garatu gabe dutenetan.

Sariak eta Aitortzak

Dozenaka sari jaso ditu, besteak beste:^[5]

• 2016an Ohorezko Legioko Gurutze Handia jaso zuen
• 2015ean honoris causa doktorea Kwazulu Natal Unibertsitatean (Hegoaldeko Afrika)
• 2014an Pharmacy National Academy-ko kidea izendatu zuten
• 2014an honoris causa doktorea Hegoaldeko Gales Berriko Unibertsitatean, Lausanako Unibertsitatean (EPLF), Peruko Cayetano Heredia Unibertsitatean eta Norvegiako Bergen Unibertsitatean.
• 2013an honoris causa doktorea Argentinako Cordoba Unibertsitatean
• 2009an Frantziako Zientzia Akademiaren kide izendatu zuten^[6]
• 2008an Fisiologia eta Medikuntza Nobel Saria HIESaren aurkikuntzagatik
• 2001ean HIESaren Nazioarteko Elkartearen saria
• 1993an King Faisal Fundazioaren Saria^[7]
• 1986an Europako Zientziaren sustapenerako Korber Fundazioaren Saria^[7]
• 1985ean Sovac Saria^[7]

Erreferentziak

Ikus, gainera

• HIESaren Nazioarteko Elkartea (IAS)

Kanpo estekak

• Egile honen argitalpenei buruzko informazioa lortu dezakezu Scholian

  Françoise Barré-Sinoussi Medikuntza Nobelaren hitzak (Fundación BBVA, 2009)

• Datuak: Q103844
• Multimedia: Françoise Barré-Sinoussi / Q103844