Ferrocarrils de la Generalitat de Catalunya

Ferrocarrils de la Generalitat de Catalunya

Datuak
Izen ofiziala	Ferrocarrils de la Generalitat de Catalunya
Izen laburra	FGC
Mota	erakunde publikoa, train operating company ^(en) eta Azpiegitura kudeatzailea
Jarduera sektorea	garraio publikoa
Herrialdea	Espainia
Jarduera
Kidetza	Nazioarteko trenen batasuna, International Suburban Rail Benchmarking Group ^(en) eta International Association of Public Transport ^(en)
Honen parte	Lurralde Departamendua
Enplegatuak	1.813 (2021)
Ekoizpena	Bartzelona-Vallès linea, 7. linea, Llobregat-Anoia linea, Ferrocarril Turístic de l'Alt Llobregat ^(en) , Lleida-La Pobla de Segur linea, Vall de Núria ^(en) , La Molina eta Montserrateko kremailera-trena
Agintea
Lehendakaria	Antoni Segarra i Barreto


Egoitza nagusi	Bartzelona 41°23′19″N 2°09′53″E / 41.3885°N 2.16465°E / 41.3885; 2.16465

Legezko forma	Enpresa publiko
Jabea	Kataluniako Generalitatea
Zeren jabe	Montserrateko kremailera-trena, Plaça Molina, Núriako kremailera-trena, Sant Gervasi, El Putxet, Les Tres Torres, Aeri de Montserrat ^(en) , Pàdua, Gràcia, Muntaner, La Bonanova, Sarrià, Reina Elisenda, Avinguda Tibidabo, Funicular de la Santa Cova ^(en) , Funicular de Sant Joan ^(en) , Funicular de Gelida ^(en) , La Floresta station ^(en) , Baixador de Vallvidrera station ^(en) , Bellaterra station ^(en) , Les Planes station ^(en) , Peu del Funicular station ^(en) , Autonomous University railway station ^(en) , Estació de Sant Joan, Volpelleres station ^(en) eta Diagonal
Historia
Sorrera	1979ko irailaren 5a
Aurrekoak	Ferrocarrils de Catalunya, Sarrià-Bartzelona Trenbidea eta Q11914935
Jasotako sariak	Bartzelonako ohorezko domina (2013)
webgune ofiziala

Ferrocarrils de la Generalitat de Catalunya (FGC) (katalanez Kataluniako Generalitatearen Burdinbideak) burdinbide garraioa ustiatzen duen Kataluniako Generalitatearen menpeko enpresa da. Batik bat aldiriko tren zerbitzuak eskaintzen ditu Bartzelonako gune metropolitarrean, baina baita eskualdeko tren linea bat Lleida eta Pirinio katalanetan, bi kremailera-tren Núria eta Montserraten, eta hainbat funikular ere ustiatzen ditu. Gainera, La Molina eta Núria haranako eski-estazioen jabea da.

Guztira, Bartzelonako probintzian zabalera estuko (1.000 mm) 140 kilometro eta zabalera estandarreko (1.435 mm) 42 kilometro ustiatzen ditu, eta Lleidako probintzian iberiar zabalerako (1.668 mm) 89 kilometro kudeatzen ditu, baita bi kremailera-tren eta hainbat funikular ere.

Enpresa bi negozio unitatetan banatuta dago:^[1]

Tren negozio unitatea: Aldiriko trenbide, trenbide metropolitarrak eta eskualdekoak biltzen ditu (Bartzelona-Vallès, Llobregat-Anoia eta Lleida-la Pobla de Segur trenbideak).
Turismo eta mendi negozio unitatea: Montserrateko ustiaketak (kremailera-trena eta funikularrak), Núria haranakoak (kremailera-trena, eski-estazioa eta teleferikoa), La Molinakoak (eski-estazioa eta teleferikoa) eta Alt Llobregateko burdinbide turistikoak biltzen ditu.

FGCren egoitza nagusia Bartzelonako Sarrià auzoan dago, dels Vergós kaleko 44. zenbakian, 2008an inauguratutako eraikin batean eta aintzina FGCren tailerrak zeuden tokian. Rubí udalerrian operazioen zentroa dago (COR).^[2]

Zerbitzuak

Bartzelona-Vallès trenbidea (Vallèseko metroa eta Balmesko linea)
Llobregat-Anoia trenbidea (Baix Llobregateko metroa, Bagesko eskualde metroa, Anoiako eskualde metroa)
Lleida-la Pobla de Segur linea (Tren dels Llacs)
Montserrateko kremailera-trena
Santa Covako funikularra
Sant Joaneko funikularra
Núriako kremailera-trena
Núria haranako Coma del Cloteko teleferikoa
Gelidako funikularra
Vallvidrerako funikularra
Olesa-Esparraguera teleferikoa
Alt Llobregateko burdinbide turistikoa (Tren del Ciment)
La Molina-Alp 2500 teleferikoa

Bartzelonako gune metropolitarreko zerbitzuak

FGCk bi trenbide ditu Bartzelonako gune metropolitarran, tarte guztiak elektrifikatuta daudela: Bartzelona-Vallès eta Llobregat-Anoia trenbideak.

Bartzelona-Vallès trenbidea, honen baitan Vallèseko metroa eta Balmesko linea daudela, zabalera internazionaleko trenbidea da (1.435 mm) eta Bartzelonako Plaça de Catalunya Av, Tibidado, Reina Elisenda, Sant Cugat del Vallès, Sabadell eta Terrassarekin lotzen ditu.

Llobregat-Anoia trenbidea, honen baitan Baix Llobregateko metroa, Bagesko eskualde metroa eta Anoiako eskualde metroa daudela, zabalera metrikoko trenbidea da (1.000 mm) eta Bartzelonako Plaça Espanya Molí Nou-Ciutat Cooperativa, El Palau ,Martorell-Enllaç, Olesa de Montserrat, Manresa eta Igualadarekin lotzen ditu. Baix Llobregat eskualdean Renfe Operadorak ere aldiriko linea bat du.

FGCren aldirikoen trenbideak metro izaera dute Bartzelona eta bere gune metropolitarran, eta Bartzelonako metroan integratuta maiztasun altuko zerbitzua eskaintzen dute. Linea hauen zenbakitzea irizpide hauen araberakoa da:

L, Bartzelonako metro sarearen parte diren lineak. Bartzelonako metro sareak 12 linea ditu: L1etik L5era eta L9tik L11ra Transports Metropolitans de Barcelona (TMB) enpresak ustiatuta, eta L6tik L8ra zein L12a FGCk ustiatuta.

S (suburbà, hiri ingurukoa), Bartzelonatik 2. eta 3. tarifa-guneetara ibilbidea duten lineak.

R (rodalies, aldirikoak), 3. tarifa-gunetik haratago ibiltzen diten hiriarteko lineak. Bartzelonako gune metropolitarran 8 aldiriko linea daude, zeinetatik R1etik R4ra eta R7 eta R8a Renfe Operadorak ustiatzen duen, eta R5 eta R6, zein R50etik R60ra FGCk ustiatuta.

Zerbitzua	Geltoki-burua	Geltoki-burua
Bartzelonako metroa
	BCN - Pl. Catalunya	Sarrià
	BCN - Pl. Catalunya	Avinguda Tibidabo
	BCN - Pl. Espanya	Molí Nou-Ciutat Cooperativa
	Sarrià	Reina Elisenda
Barcelona-Vallès trenbidea
	BCN - Pl. Catalunya	Terrassa-Nacions Unides
	BCN - Pl. Catalunya	Sabadell Parc del Nord
Llobregat-Anoia trenbidea
	BCN - Pl. Espanya	Can Ros
	BCN - Pl. Espanya	Olesa de Montserrat
	BCN - Pl. Espanya	Martorell-Enllaç
	BCN - Pl. Espanya	Quatre Camins
	BCN - Pl. Espanya	Manresa-Baixador
	BCN - Pl. Espanya	Manresa-Baixador (sasizuzena)
	BCN - Pl. Espanya	Igualada
	BCN - Pl. Espanya	Igualada (sasizuzena)

Eskualdeko zerbitzuak

Lleida-La Pobla de Segur trenbidea 1951eko trenbide bat da, FGCk 2016tik ustiatuta, ordura arte Renfe Operadorak ustiatzen baitzuen. Lleida-Balaguer tartean bidaiarien bolumenaren %70a pilatzen da, norantza bakoitzeko 10 zerbitzu daudela egunean. Balaguer-La Pobla de Segur tartean, bestalde, norantza bakoitzeko bost zerbitzu eskaintzen dira. Trenbide honetan Tren dels Llacs izeneko tren turistikoa ibiltzen da.

Zama-garraioak

Llobregat-Anoia trenbidean, bidaiarien garraio zerbitzuez gain zama-garraio zerbitzu garrantzitsuak ustiatzen dira. Alde batetik, Súria eta Sallent udalerrietako meategietatik potasio hidroxidoa erauzten da, Martorell eta Bartzelonako portura eramanez; bestalde, 2008tik SEATen Martorelleko kotxe lantegitik Bartzelonako portura kotxeak garraiatzen dira.

Mendiko lineak

FGCk bi kremailera-tren ustiatzen ditu:

Montserrateko kremailera-trena: Monistrol de Montserrat eta Montserrateko monasterioa lotzen ditu.
Núriako kremailera-trena: Núria haranean ibiltzen da, Katalunia iparraldean.

Era berean, FGCk hurrengo funikular lineak kudeatzen ditu:

Montserraten:
- Santa Covako funikularra
- Sant Joaneko funikularra

Núria haranan:
- Coma del Cloteko teleferikoa

Vallvidrerako funikularra

Gelidako funikularra

Teleferikoak:

Olesa-Esparraguera teleferikoa

La Molina-Alp 2500 teleferikoa

Sarearen ezaugarriak

FGCren sareko datuak 2008an hurrengoak dira:

Linea metropolitarrak

Luzera (km): 183
Geltokiak: 74
Tren unitateak: 85
Zama-garraiorako lokomotorrak: 8
Zama-garraiorako bagoiak: 187
Garraiatutako bidaiariak (milioi): 81,05
Garraiatutako Tona kopurua (mila): 633

Lleida - la Pobla de Segur trenbidea

Luzera (km): 88
Geltokiak: 17
Tren unitateak: 3
Garraiatutako bidaiariak: 256.745

Núria harana

Funikularrak: 2
Kremailera-trenaren luzera (km): 12, 5
Automotorrak: 6
Lokomotorrak: 3
Kotxeak: 5

Montserrat

Funikularrak: 2
Funikularreko bidaiariak: 394.037
Kremailera-trenaren luzera (km): 5
Kremailerako geltoki kopurua: 3
Automotorrak: 5
Lokomotorrak: 1
Kremailerako bidaiariak: 542.807

Alt Llobregateko burdinbide turistikoa (Tren del Ciment)

Luzera (km): 3
Geltoki kopurua: 4
Lokomotorrak: 1
Kotxeak: 2
Bisitariak: 20.683

Trenbide zabalerak

Barcelona-Sarrià trenbidea 1905ra arte: 1.674 mm
Barcelona-Vallès trenbidea 1905tik gaur egunera: 1.435 mm
Llobregat-Anoia trenbidea hasieran: 1.000 mm
Lleida-la Pobla de Segur trenbidea trenbidea berritu aurretik: 1.674 mm
Lleida-la Pobla de Segur trenbidea trenbidea berritu ondoren: 1.668 mm
Montserrateko kremailera-trena: 1.000 mm eta Abt sistemadun kremailera
Núriako kremailera-trena: 1.000 mm eta Abt sistemadun kremailera
Alt Llobregateko burdinbide turistikoa (Tren del Ciment): 600 mm

Erreferentziak

↑ (Katalanez) Ferrocarrils de la Generalitat de Catalunya. «Què és FGC?» (Noiz kontsultatua: 2017-10-17).^{[Betiko hautsitako esteka]}
↑ (Katalanez) Gencat.cat. «El conseller Nadal visita la nova seu d'FGC» (Noiz kontsultatua: 2017-10-17).^{[Betiko hautsitako esteka]}

Ikus, gainera

Bartzelonako metroa
Renfe Operadora
Ferrocarriles de Vía Estrecha
Ferrocarrils de la Generalitat Valenciana
Serveis Ferroviaris de Mallorca
Eusko Trenbideak

Kanpo estekak

FGC (Katalanez)(Ingelesez)(Gaztelaniaz)

Autoritate kontrola	Wikimedia proiektuak Datuak: Q83819 Multimedia: Ferrocarrils de la Generalitat de Catalunya / Q83819 Identifikadoreak WorldCat VIAF: 159447914 BNF: 167587541 (data) LCCN: no90008462

Datuak: Q83819
Multimedia: Ferrocarrils de la Generalitat de Catalunya / Q83819

i e a Espainiako garraio publikoa
Renfe Aldiriak	Alacant \| Asturias \| Bartzelona \| Cadiz \| Cartagena \| Ferrol \| Girona \| Katalunia \| Kordoba \| Leon \| Lleida \| Madril \| Malaga \| Murtzia \| Santander \| Sevilla \| Tarragona \| Valentzia \| Zaragoza
Beste aldiriak	Ferrocarrils de la Generalitat de Catalunya (Katalunia) \| Serveis Ferroviaris de Mallorca (Mallorca)
Metro	Alacant \| Bartzelona \| Granada \| Madril \| Malaga \| Palma \| Sevilla \| Valentzia
Tranbia	Bartzelona \| Madril \| Sevilla \| Tenerife \| Zaragoza