Euskadiko Eskola Kontseilua

Euskadiko Eskola Kontseilua

Mota	Gobernu erakundea
Sektorea	Hezkuntza
Sorrera	1990
Sortzailea	Eusko Jaurlaritza
Egoitza	Gran Via 85, Bilbo (Bizkaia)
Presidentea	Nélida Zaitegi
Webgunea	Euskadiko Eskola Kontseilua

Euskadiko Eskola Kontseilua 1990. urtean Eusko Jaurlaritzak sortutako erakunde publikoa da^[1]. Euskadiko irakaskuntzako programazio orokorrarekin zerikusirik duten giza eragileek parte hartzeko organo gorena da, eta Eusko Jaurlaritzaren araudiari buruzko kontsulta eta aholkularitza organo lanak betetzen ditu.

Funtzioak

Euskadiko Eskola Kontseiluaren funtzioren artean, hauek dira aipagarrienak:

Hezkuntza komunitatearen parte hartzea ahalbidetzen du, irakaskuntzaren programazio orokorrean eta gobernuak hartzen dituen oinarrizko erabakietan.
Euskadiko hezkuntzaren gai nagusiez (lege-proiektuak, dekretuak, planak…) nahitaez kontsultatua izan behar da.
Irakaskuntzarekin zerikusia duten gaiei buruzko proposamenak egiten dizkio Eusko Jaurlaritzako Hezkuntza, Hizkuntza Politika eta Kultura sailari.
Euskadiko hezkuntzaren egoera ebaluatzen du, eta kasuan kasuko txostena landu eta argitaratu.
Estatuko eta autonomia erkidegoetako eskola kontseiluaren batera urteroko topaketan parte hartzen du, bai eta estatuko eskola kontseiluan ere.

Halaber, EAE mailan irakaskuntza garatzen duten arauei buruzko irizpenak egitea edota irakaskuntzaren egoeraren inguruko txosten orokorra burutzea eta txostenak egitea ere Euskadiko Eskola Kontseiluaren funtzioak dira.

Osaketa

Taldearen osaketan eboluzioa antzeman daiteke urteak joan urteak etorri. Hona osaketa^[2] eredu bat:

Euskadiko irakaskuntzako sei irakasle,
Euskadiko irakaskuntzako ikasleen sei guraso
Euskadiko irakaskuntzako sei ikasle,
Administrazio eta Zerbitzuetako langileen bi ordezkari
Ikastetxe pribatuetako bi titular
Euskal Herriko Unibertsitateko ordezkari bat
Langileen sindikatuetako hiru ordezkari
Erakunde patronaletako hiru ordezkari
Hezkuntza Administrazioko lau ordezkari
Hezkuntza arloan izen handikoak diren lau pertsona,
Toki Administrazioko sei ordezkari
Doktore eta Lizentziatuen Kolegioko ordezkari bat
Pedagogia Kolektiboetako ordezkari bat
Euskadiko Gazteriaren Kontseiluaren ordezkari bat

Taldearen baitan, batzorde iraunkor bat osatu ohi da eta beste hainbat azpibatzorde^[3].

Egitura

Euskadiko Eskola Kontseilua hiru marko ezberdinek osatzen dute:

Osoko bilkura

Euskadiko Eskola Kontseilua osatzen duten 46 kideak biltzen ditu eta gutxienez urtean birritan biltzen da. Hau da Kontseiluko erabakigune nagusia eta gai garrantzitsuenak hemen onartuak izan behar dira. Euskadiko Eskola Kontseiluko presidentea da bilkurako lehendakaria eta kide bakoitzak bozka bakarra du.

Kontseilu iraunkorra

Kontseilu Iraunkorrak Euskadiko Eskola Kontseiluko gobernu batzorde lana burutzen du. Hamaika kidek eta idazkari teknikoak osatzen dute eta bi astean behin biltzen da. Egunerokotasunean sortzen diren gaien eztabaida eta onarpena egitea, osoko bilkurara eraman beharreko gai ordena zehaztea, kontseiluko batzordeen jarraipena egitea eta batzorde-buruak izendatzea, kontseiluko karguen izendatze eta izengabetze proposamenak burutzea, batzordeak sortu zein desegitea edo Euskadiko Eskola Kontseiluaren ordezkaritza lanak egitea dira, besteak beste, Kontseilu Iraunkorraren funtzioak.

2016an, kontseilari hauek osatzen zuten Kontseilu Iraunkorra:

**2016ko EEKko Kontseilu Iraunkorra**
Izena	Kargua	Erakundea
Maite Alonso	Lehendakaria	Eusko Jaurlaritza
Isabel Kapanaga	Lehendakariordea	Eusko Jaurlaritza
Juan Carlos Jauregui	Euskadiko Gurasoen Ordezkaria	FECAPP
Antxon Rodríguez	Euskadiko Ikasleen Ordezkaria	Ikasle Abertzaleak
Iñaki Azpitarte	Euskadiko Irakasleen Ordezkaria	ELA Sindikatua
Mikel Pagola	Toki Administrazioko Ordezkaria	EUDEL (EAJ)
Maria Teresa Ojanguren	Antolaketa Batzordea	Lauaxetako Zuzendaria
Raimundo Rubio	Giza-baliabideak Batzordea	Steilas Sindikatua
Carlos López	Egitaraugintza Batzordea	Denon Eskola Elkartea
Xabier Aizpurua	Hizkuntza Helburuak Batzordea	ISEI-IVEIko Zuzendaria
Amaia Jauregiberri	Finantzaketa Batzordea	Eusko Jaurlaritzako Zuzendaria
Eva Blanco	Idazkari Teknikoa

2019. urtean batzorde iraunkorra hau da^[4]. Euskadiko Eskola Kontseiluko webgunean, batzarkideen jatorriari buruzko argibideak dokumentu batean ikus daitezke eta batzordeen osaketa beste batean^[4]^[5].

**2019ko EEKko Kontseilu Iraunkorra**
Izena	Kargua	Erakundea
Nélida Zaitegi	Lehendakaria	Eusko Jaurlaritza
Maria Teresa Ojanguren	Lehendakariordea	Eusko Jaurlaritza
Eva Blanco	Idazkari Teknikoa	·
Ainara Ibáñez	Euskadiko Gurasoen Ordezkaria	···
···	Euskadiko Ikasleen Ordezkaria	···
Mikel Pagola	Toki Administrazioko Ordezkaria	EUDEL (EAJ)
Ana Marta Iriarte	Irakasleak	···
Usoa Urbieta	Programazioa	···
Begoña Pedrosa	Antolaketa	···
Josean Bueno	Giza-baliabideak	···
Xabier Aizpurua	Hizkuntza Helburuak Batzordea	ISEI-IVEIko Zuzendaria
Ismael Redondo	Finantzaketa Batzordea	···

Batzordeak

Euskadiko Eskola Kontseiluak batzorde espezifikoak ditu gai ezberdinen inguruko ikerketa, eztabaida eta proposamenak egiteko. Batzorde bakoitzak buru bat du eta kontseiluan ordezkatuta dauden sektore bakoitzeko ordezkari batek parte hartzen du bertan.

Erreferentziak

↑ «Arautegia - Euskadiko Eskola Kontseilua» www.consejoescolardeeuskadi.hezkuntza.net (Noiz kontsultatua: 2019-02-14).
↑ «Osaketa - Euskadiko Eskola Kontseilua - 2020ko osaketa» www.consejoescolardeeuskadi.hezkuntza.net (Noiz kontsultatua: 2020-05-14).
↑ «Osaketa - Euskadiko Eskola Kontseilua - 2020ko batzordeen osaketa» www.consejoescolardeeuskadi.hezkuntza.net (Noiz kontsultatua: 2020-05-14).
↑ ^a ^b «Nortzuk osatzen dute Euskadiko Eskola Kontseilua» www.consejoescolardeeuskadi.hezkuntza.net (Noiz kontsultatua: 2019-02-14).
↑ Batzordeen osaketa^{[Betiko hautsitako esteka]}