Estellerriko Erribera

Estellerriko Erribera Lizarrako merindadearen hegoaldeko eskualdea da, Tuterako Erriberarekin batera Nafarroako Erribera osatzen duena (Nafarroa). Udalerri hauek osatzen dute Estellerriko Erribera: Andosilla, Azagra, Berbintzana, Cárcar, Faltzes, Funes, Larraga, Lerin, Lodosa, Mendabia, Mendigorria, Miranda Arga, Azkoien, San Adrián, Sartaguda eta Sesma. Oso eskualde laua da, eta laborantza da eskualdeko ekonomia-jarduera nagusia (Tuterako Erriberarekin batera, Nafarroa osoko nekazaritzarako eremuaren % 50 eratzen du). 600 mm euri-ur izaten da, batez beste, urtero. Ega eta Arga ibaiek iparralde-hegoalde igarotzen dute eskualdea, eta Ebro ibaiak eratzen du hegoaldeko muga. Industria gutxi garatua dago (ardogintza, kontserbak).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.