Errusia Berriko Estatu Federala

errusieraz: Федеративное государство Новороссия
ukraineraz: Федеративна держава Новоросія

Novorossiako Estatu Federaleko bandera

Novorossiako armarria

Map_of_Novorossiya.png

Geografia

Hiriburua

Donetsk
48°0′32″N 37°48′15″E

Hiririk handiena

Donetsk

Azalera

53201

Administrazioa

Gobernu-sistema

Konfederazio probisionala

Oleg Tsarev ^(en)

Demografia

Biztanleria

3.000.000

Dentsitatea

Adierazpen errorea: Ustekabeko round eragilea bizt/km²

Hizkuntza ofizialak

ikusi

errusiera
ukrainera

Erabilitako hizkuntzak

ikusi

errusiera eta ukrainera

Moneta

Errusiar errublo (₽)
hryvnia (₴)

Historia

Sorrera data: 2014ko maiatzaren 24a

Bestelako informazioa

Errusia Berriko Estatu Federala (errusieraz: Федеративное государство Новороссия, translit.: Federativnoie gosudarstvo Novorossia, ukraineraz: Федеративна держава Новоросія), Herri Errepubliken Batasuna (errusieraz: Союз Народных Республик, ukraineraz: Союз Народних Республік) edo Novorossia^[1] (hau da, Errusia Berria) Donetskeko Herri Errepublika eta Luganskeko Herri Errepublikaren artean sortutako konfederazioa da, Ukrainako Donetskeko oblasta eta Luhanskeko oblastaren lurrak aldarrikatzen dituena eta etnikoki historian errusiarra izan den lurraldea. Errusiarekin muga egiten duten bi eskualde dira eta nazioarteko mailan Hego Osetiak soilik errekonozitua. Bi Herri Errepubliketako agintariek sinatu zuten konfederazioa 2014ko maiatzaren 24an. Hilabete bat geroago, ekainaren 24an, bi taldeek "Kontseilu Gorena" osatu zuten, eta euren konstituzioak batu, Novorossiya izeneko entitate konfederala ofizialki sortuz.

Gobernua eta politika

Gobernuaren egitura eta programa politikoa oraindik ofizialak ez badira ere, Errusia Berria Alderdiaren programa ofizialrekin bat egiten dute:

Ekonomia

Lurra, lurrazpia, ura, flora eta fauna, industriako elementu nagusiak eta "herritarren lanarekin sortu diren" finantza erakundeak propietate publikoa dira eta ezin dira ondasun pribatuak izan. Lur sail handiak, industria eta finantza erakundeak estatuaren esku egongo dira. Pertsona bakoitzaren soldata "jendarteari ematen dion lanaren erabilgarritasunaren" arabera eskainiko da.

Gobernua

Novorossiyako autoritate legislatibo gorena "Herriaren Kontseilua" da (errusieraz: Народный совет, translit.: Narodniy Soviet), lan eremuen araberako Herrien Sovieten Ordezkaritzatik sortua. Ordezkariek Herriaren Kontseiluaren buru izan daitezke, kideek hautatua. Organu exekutiboa "kabinetea" da, presidenteak eta Herriaren Kontseiluak onartutako pertsonez osatua.

Hizkuntza

Estatuko hizkuntza ofizialak errusiera eta ukrainera dira, eta beste hizkuntza batzuk erabiltzea librea da.

Defentsa

Errusia Berriko indar armatuak Herriaren Miliziak eta Herriaren Autodefentsak osatzen dute, biak ala biak profesionalak zein boluntarioak. Egoerak okerrera eginez gero Herriaren Kontseiluak erreserbistak dei ditzake. Ofizial guztiek Errusia Berriari leialtasuna zin egin behar diote.

Erlijioa

Erlijio ofiziala Errusiako Eliza Ortodoxoaren esku egongo da. Estatuak erlijio askatasuna bermatzen du, beti ere erlijio horren helburua ez bada jendartearen harmonia haustea.

Erreferentziak

↑ 156. araua - Alfabeto zirilikoz idatzitako izenak euskarara aldatzeko transkripzio-sistema (errusiera, bielorrusiera, ukrainera eta bulgariera). Euskaltzaindia (Noiz kontsultatua: 2014.09.04).