Ekialdeko Europako ordokia

Ekialdeko Europako ordokia, batzuetan Errusiar ordokia (errusieraz: Русская равнина, translit.: Russkaya Ravnina) deitua, Ekialdeko Europako zenbait ibai-arro hartzen dituen ordoki zabala da. Europako zabaldirik handiena da, 4.000.000 km²ko azalerarekin, eta batezbesteko garaiera 170 mkoa da^[1]. Ural mendietan hasten da eta Errusiako europar aldera, Baltiar herrialdetara, Bielorrusiara, ia Ukraina osora, Moldaviara, ekialdeko Poloniara eta mendebaldeko Kazakhstanera hedatzen da.

Iparraldean Itsaso Zuria eta Barentseko itsasoa ditu; ekialdean, Ural mendiak, Ural ibaia eta Kaspiar Itsasoa; hegoaldean Kaukaso mendilerroa eta Itsaso Beltza eta mendebaldean Karpatoak eta beste mendilerro txikiak.

Ordokia zenbait eskualdetan banatuta dago:

• Valdai muinoak (errusieraz Валда́йская возвы́шенность);
• Errusiar erdialdeko ibaien arroa (errusieraz Среднерусская возвысенность);
• Volgako arroa (errusieraz Приволжская возвышенность);
• Dnieperreko arroa (errusieraz Днепр);
• Itsaso Beltzako arroa; eta
• Kaspiar Itsasoaren ordokiak.

Antzinako Errusiar Inperioa eta Sobietar Batasunaren lurraldetan eskualdea Ordoki errusiarraren izenaz ere ezaguna da.

Iparraldeko Europako ordokiarekin batera Europako ordokia osatzen du.

Herrialdeak

• Errusia
• Estonia
• Letonia
• Lituania
• Bielorrusia
• Polonia
• Ukraina
• Moldavia
• Kazakhstan (alde europarra)

Ibai nagusiak

• Volga
• Ural ibaia
• Dnieper
• Don ibaia
• Petxora
• Kama ibaia
• Oka ibaia
• Belaia
• Daugava
• Neman ibaia
• Pregolya

Erreferentziak

Kanpo estekak

• Datuak: Q191862
• Multimedia: East European Plain / Q191862