Clementina Arderiu i Voltas

Clementina Arderiu i Voltas
Irudi gehiago
Bizitza
Jaiotzako izen-deiturak	Clementina Arderiu Voltas
Jaiotza	Bartzelona, 1889ko uztailaren 6a
Herrialdea	Espainia
Heriotza	Bartzelona, 1976ko otsailaren 17a (86 urte)
Hobiratze lekua	Sarrià cementery (en)
Familia
Ezkontidea(k)	Carles Riba
Seme-alabak	ikusi Oriol Riba i Arderiu (en)
Familia	ikusi Pau Riba (biloba)
Hezkuntza
Hizkuntzak	katalana gaztelania
Jarduerak
Jarduerak	poeta eta idazlea
Jasotako sariak	ikusi Óssa Menor Price  (1958) Serra d'Or Critics Award  (1970) Gold Letter  (1960)
Genero artistikoa	olerkigintza

Clementina Arderiu i Voltas (Bartzelona, 1889ko uztailaren 6a - ibidem, 1976ko otsailaren 17a) poeta katalana izan zen. Kataluniako herri poesiaren, Josep Carnerren eta Joan Maragallen eragina jaso zuen eta liburu hauen egilea izan zen: Cançons i elegies (1916), Sempre i ara (1946) (lan honekin Joaquim Folguera saria irabazi zuen), És a dir (1959) eta L'esperança encara (1969), besteak beste.

Bere poemetan Josep Carnerren eragina aurki daiteke, baita bere senarrarena ere, Carles Ribarena. Oso poesia landua du, eta bertan, besteak beste, fedea, maitasuna, poza, emakumearen izaera edo heriotza gaiak dira nagusi. Bere poemek eguneroko bizitzaren idealizaziora jotzen dutela esan ohi da. Goig (herri olerkiak, Ama Birjinari, Jesukristori edo santuei kantatzen zaizkienak) direlakoen sortzaile izan zen, Jacint Verdaguer edo Joan Maragall bezala, besteak beste. Bere hastapenetako lana noucentismearen baitan sar daiteke, geroago elementu berriak sartuta hartatik urrundu bazen ere.

Olga Sacharoff margolari errusiarrak Kataluniako emakume intelektual eta artistekin sortu zuen bilguneko kide izan zen; horien artean zeuden Soledad Martínez García, Marie Laurencin, Dagoussia eta Ángeles Santos Torroella margolariak, Lluïsa Granero i Sierra eta Maria Llimona i Benet eskultoreak edo Elisabeth Mulder idazlea.

Argitalpenak

• Cançons i elegies (1916)
• L'alta llibertat (1920)
• Poemes (1936)
• Sempre i ara (1946), Joaquim Folguera saria
• Poesies completes (1952)
• És a dir (1968), Óssa Menor eta Lletra d'Or sariak
• L'esperança encara (1968), Serra d'Or kritika saria, poesiarena

Erreferentziak

Kanpo estekak

• Clementina Arderiuren liburutegia Kataluniako Liburutegian.
• Fons Carles Riba - Clementina Arderiu Kataluniako Artxibo Nazionalean.
• «Clementina Arderiu i Voltas». Associació d'Escriptors en Llengua Catalana.
• LletrA. «Clementina Arderiu i Voltas» Universitat Oberta de Catalunya eta Institut Ramon Llull
• Recull de poemes.

• Datuak: Q3680479
• Multimedia: Clementina Arderiu i Voltas / Q3680479