Bixente Atxa

Bixente Atxa
Bizitza
Jaiotza	Oñati, 1965eko urriaren 14a (58 urte)
Herrialdea	Gipuzkoa, Euskal Herria
Hezkuntza
Heziketa	Mondragon Unibertsitatea
Hizkuntzak	gaztelania
Jarduerak
Jarduerak	unibertsitateko irakaslea eta ingeniaria
Enplegatzailea(k)	Mondragon Unibertsitatea
Kidetza	Jakiunde

Bixente Atxa Uribe (Oñati, Gipuzkoa, 1965eko urriaren 14a) Mondragon Unibertsitateko Ingeniaritza irakaslea da, eta 2015eko urtarrila ezkero, Mondragon Unibertsitateko errektorea.^[1]

Ikasketak

Elektronikako Ingeniaritza Teknikoa egin zuen Arrasateko Goi Eskola Politeknikoan, eta Goi Mailako Ingeniaritza Elektronikoa Lull Unibertsitateko La Salle Ingniaritza Eskolan, Bartzelonan. Halaber, Elektronika eta Komunikazioa doktore titulua atera zuen Staffordshire-ko Unibertsitatean, Erresuma Batuan, eta MBA Executive Masterra Mondragon Unibertsitatean.

Lana

1987 eta 1989 bitartean I+G teknikari lanetan aritu zen Ulma Packaging kooperatiban, Oñatin. 1989an Robin Sinar Laser enpresan (Hanburgo, Alemania) ere I+G teknikari gisa egin zuen lan. Ondoren, Staffordshire Unibertsitatean Komunikazioetako irakasle laguntzaile lanetan jardun zuen, Erresuma Batuan.

1993an irakasle lanean hasi zen Mondragon Unibertsitatearen Goi Eskola Politeknikoko Elektronika Departamentuan, eta bertan bi ardatzetan garatu zuen bere ibilbide profesionala: irakaskuntzan, eta seinale eta komunikazioen teoriari lotutako teknologia-ikerkuntza eta berrikuntzako proiektuak.

2007an, Mondragon Unibertsitateko Goi Eskola Politeknikoko zuzendari nagusi izendatu zuten 2015eko urtarrilera arte; data hartatik aurrera, Mondragon Unibertsitateko errektorea da.

Erreferentziak

Kanpo loturak

• Mondragon Unibertsitatearen webgunea.
• “Ikasleen heren batek lana aurkitzen du praktikak egin dituen enpresan”. Audio elkarrizketa. Faktoria saioa, Euskadi Irratia.
• “Talentu eta jakintza onena garatu behar dugu egungo demografia kontuan izanda”. Bideo elkarrizketa, Goiena Telebista.

• Datuak: Q55109436