Biarritz Olympique

Biarritz Olympique

Izen osoa	Biarritz Olympique Pays Basque B.O.P.B.
Hiria	Biarritz  Lapurdi  EH
Sorrera	1913ko Apirilaren 26a
Kirol zelaia	Aguilera zelaia (Edukiera: 14.000 leku)
Presidentea	Jean-Baptiste Aldigé
Entrenatzailea	Matthew Clarkin
Liga	Rugby Pro D2
2022-23	11.a
Webgunea	www.bo-pb.com
Etxeko koloreak 　 Kanpoko koloreak

Biarritz Olympique Pays Basque (B.O.P.B.) Biarritzeko (Lapurdi) errugbi kluba da. Aguilera zelaian jokatzen du. Frantziako errugbi txapelketa bost aldiz irabazi eta Europako txapeldun orde birritan izan da. Europa mailako norgehiagokak azken urteotan Donostiako Anoeta estadioan jokatu ohi ditu.

Ipar Euskal Herriko errugbi derbian Aviron Bayonnais taldearekin lehiatu ohi da. Serge Blanco klubaren jokalari ezagunenetarikoa izan da, 93 aldiz Frantziako selekzioarekin jokatu zuena.

Kronologia

Hastapenak

Errugbiaren hastapenak aspaldikoak dira Biarritzen izan ere lehenengo taldea 1898an sortu baitzen Amicale des anciens de Jules-Ferry izena zuena. 1913ko apirilaren 24an Biarritz Stade eta Biarritz Sporting Club elkartu eta Biarritz Olympique sortu zen. Hasierako urte horietan Aviron Bayonnais zen Euskal Herriko talde nagusia baina 1930 hamarkadan Biarritzek talde indartsua osatu zuen. 1934 urteko finala bi euskal taldeen artean jokatu zen eta baionarrak 13-8 nagusitu ziren. Hurrengo urtean ordea Biarritz izan zen txapelduna finalean Perpignan garaituz. 1939 artean beste bi final jokatu zituen Perpignanen aurka eta 1939koa irabazi zuen.

Urrezko aroa

Hainbat hamarkada apal izan ondoren 1992an berriz jokatu zuen finala eta galdu egin bazuen ere 2000 hamarkadan etorriko zen bolada onaren aurrekari izan zen.

2002 eta 2006 artean Frantziako hiru txapelketa berri irabazi zituen eta 2006an gainera Heineken Kopako txapeldunordea izan zen. Irlandako Munster taldeak 23-19 irabazi zuen finalean. Aurrez 2004 eta 2005ean finalerdiak jokatu zituen Biarritzek. 2008ko urriaren 4an BOPB-TV telebista kate propioa aurkeztu zuen. Taldearen bolada bikainak 2010 arte iraun zuen, bigarren aldiz Europako Kopako finalera iritsi baitzen, oraingoan Tolosak garaitu zuen 21-19 emaitzarekin. Europako txapelketa hauetan Anoeta estadioan hainbat kanporaketa jokatu zituen arrakasta eta giro itzelarekin. 2012an European Challege Cup irabazi zuen Biarritzek.

Gainbehera

Diru arazoek jokalarien maila bikaina ezin mantentzea ekarri zuen eta 2014an Top14 maila galdu eta Pro D2 mailara jaitsi zen. 2016an Fédérale 1 mailara administratiboki jeitsiaraztekotan izan zen diru arazoen erruz, baina bigarren mailan mantentzea lortu zuen. 2020-21 denboraldian Pro D2-ko finalista izan da. Perpignan taldeak finalean garaitu ondoren Top14 mailako azkenaurrekoaren aurka jokatuko du play-offa, Aviron Bayonnaiseren aurka hain zuzen ere.

Uniformea

etxekoa	kanpokoa
2018	2020	2021

Palmaresa

• Europako Txapeldunen Kopa (Heineken Kopa)
  • Txapelduna : ez
    • Txapeldunordea : 2006, 2010
      • Finalerdiak : 2004 eta 2005
• European Challenge Cup
  • Txapelduna : 2012
• Top 14 Liga (Frantziako Liga)
  • Txapelduna : 1935, 1939, 2002, 2005 eta 2006
    • Txapeldunordea : 1934, 1938 eta 1992
      • Finalerdiak : 2001, 2003 eta 2007
        • Final laurdenak : 1930, 1977, 1985, 1986, 2000 eta 2004 (play-off)
• Yves du Manoir Kopa/Frantziako Errugbi Kopa
  • Txapelduna : 1937 eta 2000
    • Txapeldunordea : 1989 eta 2002

Azken denboraldiak

Urtea	Maila	Sailkapena	Puntuak	Jokatu	Irabazi	Berdindu	Galdu
2004-05	Top 16	2.a, Frantziako txapeldun	96 puntu	30	20	0	10
2005-06	Top 14	1.a, Frantziako txapeldun	90 puntu	26	19	0	7
2006-07	Top 14	4.a	76 puntu	26	17	1	8
2007-08	Top 14	6.a	66 puntu	26	13	1	12
2008-09	Top 14	5.a	71 puntu	26	15	0	11
2009-10	Top 14	7.a	59 puntu	26	12	0	14
2010-11	Top 14	5.a	72 puntu	26	15	1	10
2011-12	Top 14	9.a	52 puntu	26	10	2	14
2012-13	Top 14	9.a	57 puntu	26	12	1	13
2013-14	Top 14	14.a	30 puntu	26	5	1	20
2014-15	Pro D2	7.a	77 puntu	30	17	0	13
2015-16	Pro D2	8.a	64 puntu	30	14	0	16
2016-17	Pro D2	5.a	81 puntu	30	18	0	12
2017-18	Pro D2	6.a	80 puntu	30	17	0	13
2018-19	Pro D2	8.a	74 puntu	30	15	1	14
2019-20	Pro D2	6.a	59 puntu	23	12	1	10
2020-21	Pro D2	3.a, finalista	91 puntu	30	19	2	9
2021-22	Top 14	14.a	24 puntu	26	5	0	21
2022-23	Pro D2	11.a	60 puntu	30	12	2	16

• Oharrak:
  • 2019-20 denboraldian COVID-19 pandemiaren erruz txapelketa bertan behera gelditu zen.

Europako emaitzak

• 2000-2001: Europako kopa: Final laurdena
• 2001-2002: Europako kopa: Ligaxka fasea
• 2002-2003: Europako kopa: Final laurdena
• 2003-2004: Europako kopa: Finalerdia
• 2004-2005: Europako kopa: Finalerdia
• 2005-2006: Europako kopa: Txapeldunordea
• 2006-2007: Europako kopa: Final laurdena
• 2007-2008: Europako kopa: Ligaxka fasea
• 2008-2009: Europako kopa: Ligaxka fasea
• 2009-2010: Europako kopa: Txapeldunordea
• 2010-2011: Europako kopa: Final laurdena
• 2011-2012: Challenge Kopa: Txapelduna
• 2012-2013: Europako kopa: Ligaxka fasea
• 2013-2014: Challenge Kopa: Ligaxka fasea

Ikus, gainera

• Biarritz Olympiqueren ibilbide historikoa
• Asier Usarraga

Kanpo estekak

• (Frantsesez) Webgune ofiziala

• Datuak: Q855496
• Multimedia: Biarritz Olympique / Q855496