Barometro

Barometro baten marrazki eskematikoa

Barometroa presio atmosferikoa neurtzeko tresna da.[1] Presio atmosferikoa, atmosferak azalera unitateko egiten duen pisua da.

Lehen barometroak bere goikaldea itxia zuen hodi batean hertsitako likido zutabe batez osatuak zeuden. Likido zutabearen pisuak, zehatz konpentsatzen du atmosferaren pisua. Lehen barometroak, Evangelista Torricelli matematikari eta fisikariak egin zituen XVII. mendean. Presio atmosferikoa, 10 metro inguruko altuera duen ur zutabe baten altueraren baliokidea da. Merkuriozko barometroetan, urarena baino 13,6 aldiz dentsoagoa dena, itsasoaren mailan, egun oskarbi batean presio atmosferikoak eutsitako merkuriozko zutabea, gutxi gora-behera, 760 mmkoa da.

Barometroak, atmosferaren egoera neurtu eta iragarpen meteorologikoak egiteko funtsezko tresnak dira. Presio altuak, euri arriskurik gabeko tokiekin bat datoz, eta, presio baxuak, berriz, ekaitz tokiekin.

Barometroek adierazten duten presio atmosferikoaren neurri unitatea, hektopaskala da, hPa laburtuta.

Barometro motak

  • Barometro aneroidea, merkuriorik erabiltzen ez duen barometro bat da. Presio atmosferikoaren aldaketak adierazten ditu, bere barnean erabateko hustasuna egin den horma oso elastikodun metalezko kaxa bati, presio atmosferikoak eragiten dizkion txikiak edo handiak izan daitezkeen deformazioengatik. Alderaketaz, merkuriozko barometro batekin mailakatzen da, baina bere adierazpenek geroz eta zehaztasun gutxiago dute, malguki metalikoaren elastikotasunaren aldakuntzaren ondorioz. Lucien Vidiek asmatu zuen 1847an.
Barografoa
  • Abiazioan erabiltzen diren altimetro barometrikoak, funtsean, eskala, altuera metro edo oinetara bihurtuta duten ohiko barometroak dira.
  • Barometrotik abiatuta, barografo izeneko tresna bat dator, denbora tarte batean presio atmosferikoan egon diren gorabeherak erregistratzen dituena, sismografoetan erabiltzen den oso antzeko sistemarekin.

Erreferentziak

  1. Lur entziklopedietatik hartua.

Kanpo estekak

Autoritate kontrola
  • Wikimedia proiektuak
  • Wd Datuak: Q79757
  • Commonscat Multimedia: Barometers / Q79757

  • Identifikadoreak
  • NDL: 00565691
  • NKC: ph348279
  • AAT: 300195808
  • Hiztegiak eta entziklopediak
  • Britannica: url
  • Wd Datuak: Q79757
  • Commonscat Multimedia: Barometers / Q79757
  • i
  • e
  • a
Meteorologia-neurgailuak
Lehorrean/itsasoan
Anemometroa  • Barometroa  • Buia meteorologikoa  • Difusometroa  • Ebaporimetroa  • Eguraldi-etxola  • Elur-neurgailua  • Elur-ohola  • Erradiometro diferentziala  • Eszintilometroa  • Euri-neurgailua  • FitzRoy barometroa  • Haize-mahuka  • Haize-orratza  • Heliografoa (Campbell-Stokes heliografoa)  • Higrometroa eta Ihintz-tenperaturaren zelula  • Higrotermografoa  • Higrotermometroa  • Izain-barometroa  • Izotz akrezioaren adierazgailua  • Itsasontzi meteorologikoa  • Klinometroa  • Konimetroa  • Kriopedometroa  • Kurt estazio meteorologikoa  • Kutxatila aneroidea  • Lisimetroa  • lurrunketa-tanga  • Maximoen eta minimoen termometroa  • Meteorografoa  • Oraingo eguraldiaren sentsorea  • Piranometroa  • Pirradiometroa  • Pirogeometroa  • Tanta-neurgailua  • Termometroa  • Termometro bimetalikoa  • Transmisimetroa
Aerologikoa
Teledetekzioa
Meteorologia-glosarioa