Axpe-Martzaa

Axpe
Euskal Herria


Kokapena
Herrialdea	Bizkaia
Udalerria	Atxondo
Administrazioa
Posta kodea
Geografia
Koordenatuak	43°06′57″N 2°35′56″W / 43.11583°N 2.59889°W / 43.11583; -2.59889
Garaiera	247 metro
Demografia

Artikulu hau Atxondoko auzoari buruzkoa da; beste esanahietarako, ikus «Axpe».

Axpe-Martzaa Atxondo haraneko auzoa da. Axpe-Martzaa Alluitz mendiaren magalean dago kokaturik, 300 metroko garaieran. 238 biztanle ditu.

1964 arte herri independentea izan zen Axpe-Martzaa edo "Axpe" izenekin, baina urte horretan Arratzola eta Apatamonasteriorekin bat egin eta Atxondo herria sortu zuten.

Historia

Eskualdeko herri eta auzo gehienak bezala, Axpe Martzaa leinuaren alde izan zen Ahaide nagusien gerretan. Horregatik, oinaztarren alde izan zen. Durangoko merindadeko kide izanik, jezarleku eta botoa zuen bertako Batzarrean.

1550an San Martin eliza eraiki zuten bertan, Martzaatarren dorretxearen ondoan. 1552ean Axpeko San Joan Bataiatzailearen baseliza parrokia bihurtu zen.

Ekonomia batik bat nekazaritzan eta abeltzaintzan oinarritua zegoen. Meatzaritzak ere garrantzia izan du, batez ere kobre, eztainu eta beruna ustiatzeko. Zenbait burdinola ere baziren.