Artikulu (gramatika)

Artikulu tipologiak Europako hizkuntza nagusietan. More argia: artikulu mugatu atzizki gisa itsatsiak (euskara barne). More iluna: artikulu mugatu eta mugagabe atzizki gisa itsatsiak. Urdin iluna: artikulu mugatu eta mugagabe libreak. Urdin argia: artikulu mugatu libreak.

Artikulua, hainbat hizkuntzatan, aurretik edo atzetik izena mugatzen duen hitza edo atzizkia da. Morfologikoki, artikuluak determinatzaile mota bat dira. Gramatika sortzailean, oro har, sintagma determinatzailearen nukleo sintaktikoa dela kontsideratzen da.

Artikuluak, zenbait hizkuntzatan

Indoeuropar hizkuntza zaharrenetan, ez zegoen artikulurik, antzinako grezieran salbu. Hala ere, hainbat adarretan garatu izan dira, eta hizkuntza erromantze guztietan daude, bai eta germaniar eta zeltetan ere. Aldiz, eslaviarretan arraroagoak dira.
Hizkuntza semitikoetan, oro har, ez dago artikulurik, baina egungo hizkuntza ezagunenetan, ordea, hebreeraz eta arabieraz, bai.
Euskaraz, artikulu mugatuak bakarrik daude, atzizki gisa itsasten direnak: -a singularra eta -ak plurala.

Kanpo estekak

Autoritate kontrola	Wikimedia proiektuak Datuak: Q103184 Identifikadoreak BNF: 12262124s (data) GND: 4003090-8 LCCN: sh85056267 NDL: 00577103 NKC: ph370237 Hiztegiak eta entziklopediak Britannica: url