Ana Fidelia Quirot

Ana Fidelia Quirot
Bizitza
Jaiotza	Palma Soriano, 1963ko martxoaren 23a (61 urte)
Herrialdea	Kuba
Jarduerak
Jarduerak	distantzia erdiko korrikalaria, atleta eta politikaria
Atletismoa Kirol diziplinak distantzia ertaineko lasterketa Errekorrak Berezitasuna Irizpidea Data M Marka pertsonalak Berezitasuna Lekua Data M
Parte-hartzailea 1996ko Udako Olinpiar Jokoak 1992ko Udako Olinpiar Jokoak
Pisua	59 kilogramo
Altuera	165 zentimetro

Ana Fidelia Quirot (Palma Soriano, Santiago de Cuba, 1963ko martxoaren 23a) kubatar atleta ohia da. Kultura fisikoko ikasketak egin zituen. 1968an, Iberoamerikako II Atletismo Txapelketan, urrezko domina bana irabazi zuen 400 eta 800 metroko probetan. Handik aurrera, proba horietako lasterkari onenetako bat izan zen. 1987tik 1990era, 39 aldiz irabazi zuen 800 metroko proba, behin ere huts egin gabe, eta 15 aldiz, 400 metrokoa. Seuleko Olinpiar Jokoetan (1988), ezin izan zuen parte hartu, Kubaren boikotagatik. Nazioarteko probetan, ordea, jokoetako finaleko partaide guztiak menderatu zituen. 1992ko Olinpiar Jokoetan, Bartzelonan, hirugarrena izan zen 800 metroko proban. Bigarren eta hirugarren mailako erredurak izan zituen etxeko istripu larri batean, eta erietxean egon behar izan zuen denboraldi batez. 1993an, Erdialdeko Amerikako eta Karibeko Jokoetan, zilarrezko domina lortu zuen 800 metroko proban. 1995ean, 800 metroko munduko txapelduna izan zen, eta 1996an zilarrezko domina lortu zuen Atlantako Olinpiar Jokoetan.

Erreferentziak

• Datuak: Q240042