1983ko Korrika

1983ko Korrika
Leloa	Euskaraz eta kitto!
Mota	ekitaldi
Honen parte da	Korrika
Denbora-tarte	1983ko abenduaren 3a - 1983ko abenduaren 11
← 1982 1985eko Korrika →
Herrialdea	Euskal Herria
Abiapuntu	Baiona
Helmuga	Bilbo

1983ko Korrika edo 3. Korrika Euskal Herrian zehar ospatzen den Korrika jaialdiaren hirugarren edizioa izan zen^[1]. AEK elkarteak antolatu zuen eta ekitaldi honetan Gabriel Aresti omendu zuen. Euskaraz eta kitto! leloa izan zuen.

Ibilbidea

Baionan 1983ko abenduaren 3an hasi eta Bilbon abenduaren 11n bukatu zen. Itsasuko Peio Dospital errugbilariak egin zuen lehen kilometroa. 1.960 kilometrotako ibilbidea egin zuen, ordurarteko luzeena.^[2]

Abestia

3. ekitaldirako kanta Egan taldeak egin zuen, Korrika 3 izena zuen.^[3]

Korrika, Korrika, Korrika, Korrika
Korrika, Korrika, Korrika, Korrika

Korrika goaz, iritsi arte
gure herriko helmugara;
ta honetarako, lehen urratsa,
indartu behar euskara.
Alferrikan da, ikastoletan,
hizkuntza bat ikastea
gero kalean, gure artean,
inoiz egiten ez bada.

Horregatik herriko ekintzak,
noizean behin, esnatzeko.
Hain beharrezkoak baitira
nahiz izan batzuk aurkako.
Ea segi bada iritsi arte
kilometroz kilometro,
gure herriko bide guztiak
nahiz korrika, nahiz geldixeago.

Korrika, Korrika, Korrika, Korrika
Korrika, Korrika, Korrika, Korrika

Kilometroak, Ibilaldia,
eta Araba Euskaraz,
Nafarroa Oinez, Herri Urratsa,
bat eginik da Korrika.
Ekintza hauek eta euskara
alderdi denen gainetik,
protagonismo ta harrokeria
alde batera utzirik.

Horregatik herriko ekintzak,
noizean behin, esnatzeko.
Hain beharrezkoak baitira
nahiz izan batzuk aurkako.
Ea segi bada iritsi arte
kilometroz kilometro,
gure herriko bide guztiak
Korrika bai beharrezko.

Korrika, Korrika, Korrika, Korrika
Korrika, Korrika, Korrika, Korrika

Erreferentziak

Kanpo estekak

• Datuak: Q61069219
• Multimedia: Korrika 1983 / Q61069219