Parte hartzezko demokrazia

Parte hartzezko demokrazia, boterea partekatzeko eta egikaritzeko modu bat da, erabaki politikoetan hiritarren parte hartzea indartzean oinarritzen dena. Honi lotuta dago «eztabaidazko demokrazia» terminoa, erabakiak hartzeko eztabaida fasean parte hartze publikora irekitzen diren prozesuak aipatzeko erabilia. Parte hartzezko demokraziak eta eztabaidazkoak hainbat forma har ditzake, baina oro har lurralde antolaketaren eta hirigintzaren eremuan erabili da lehenik, beste eremu batzuetara —hala nola ingurumenarenera— zabaldu aurretik.