Ondare garbi

Ekonomian, ondare garbia enpresa baten balioa da, aktiboen balioei zor galdagarrien, hau da, zirkulazioan dauden pasiboen zenbatekoa kendu. Urteko kontuak prestatzeko irizpideen arabera sailkatuko den zenbateko moduan ere ezagutzen da. Ondare garbia negatiboa izan daiteke, zorra aktiboen balioa baino handiagoa bada.

Pertsonei buruz ere aipa daiteke ondare garbia, pertsona horren egoera ekonomikoa aipagai. Pertsona fisiko horrek dituen ondasun guztiei dituen zor eta behar guztien kenkaria aplikatu behar zaio. Kalkulua egiteko pertsona horrek dituen kontu korronte zein inbertsioak, etxebizitza edo ibilgailuak kontuan hartu behar dira. Banku batekin edo beste norbaitekin izan ditzakeen zorrak (etxearen gaineko hipoteka, adibidez) eta zor horien gaineko aseguruak ere kalkuluan sartu behar dira.