Nevada

Nevada
Ameriketako Estatu Batuak
Ereserkia
Home Means Nevada (en)
Administrazioa
Estatu burujabe	Ameriketako Estatu Batuak
ISO 3166-2	US-NV
Hiriburua	Carson City
Nevadako gobernadorea	Joe Lombardo (en)
Zatiketa	ikusi Churchill konderria (Nevada), Clark konderria (Nevada), Douglas konderria (Nevada), Elko konderria (Nevada), Esmeralda konderria (Nevada), Eureka konderria (Nevada), Humboldt konderria (Nevada), Lander konderria (Nevada), Lincoln konderria (Nevada), Lyon konderria (Nevada), Mineral konderria (Nevada), Nye konderria (Nevada), Pershing konderria (Nevada), Storey konderria (Nevada), Washoe konderria (Nevada), White Pine konderria (Nevada) eta Carson City
Geografia
Koordenatuak	39°N 117°W / 39°N 117°W / 39; -117
Azalera	286.380 km²
Mugakideak	Kalifornia, Oregon, Idaho, Utah eta Arizona
Punturik altuena	Boundary Peak (en)
Demografia
Biztanleria	3.104.614 (2020ko apirilaren 1a) 213.769 (2015)
Dentsitatea	10,84 bizt/km²
Etxebizitzak	1.130.011
Hizkuntza ofiziala	baliorik ez
Ordu eremua	Ozeano Bareko ordu-eremua, Mountain Time Zone (en) eta America/Los_Angeles (en)
nv.gov

Nevada Ameriketako Estatu Batuetako mendebaldeko estatu bat da. Hiriburua Carson city da. Guztira 2,5 milioi biztanle ditu (2007). Nevadako hiri nagusiak (biztanle gehien dituenetik hasita) Las Vegas, Henderson, Paradise, Reno, Sunrise Manor, North Las Vegas, Spring Valley, Sparks eta Carson City dira.

XIX. mendearen bukaeraz geroztik Iparraldeko eta Hegoaldeko euskal herritar asko joan izan da Nevadara artzaintzan lan egitera, eta euskaldun jatorriko jende asko dago, Reno inguruan batez ere. 1968an sortu zen, Reno hirian, Nevadako Unibertsitateko Center for Basque Studies saila, euskal kulturaren ikerketagune eta irakaskuntzagune garrantzitsua, William A. Douglas zuzendari duena.

Geografia

Mugak

Nevadak mugakide hauek ditu: iparraldean, Oregon eta Idaho estatuak; ekialdean, Utah estatua; hego-ekialdean, Arizona estatua; hegoaldean eta mendebalean, Kalifornia estatua.

Arroa Handia izeneko ordoki zabalaren barruan dago; ordoki horrek Mendi Harritsuak banatzen ditu, eta mendikate eta muino asko ditu. Ibai nagusiak Humboldt eta Snake dira.

Klima

Klima lehorra da, oso beroa, eta neguan hotza.

Historia

XVI. mendearen bukaeran espainiarrek esploratu zuten, eta Espainia Berria erregeorderriaren barne egon zen. 1848an Mexikok Estatu Batuen esku utzi zuen lurraldea; 1850ean Utah estatuak beretu zuen. 1849tik aurrera jendetza handia iragan zen handik Kaliforniarako bidean, han urrea aurkitu omen zutela eta. 1861ean lurralde autonomoa izan zen; 1864an Ameriketako Estatu Batuetako estatu egin zen.

Ekonomia

Ameriketako Estatu Batuetako estaturik idorrena denez, lur gutxi lantzen da, eta lantzen dena ureztatzearen mende dago (zerealak, patatak; hegoaldean, tomateak eta fruituak). Abere hazkuntzak garrantzi handia du Nevadako ekonomian. Meatze asko dira: urrea, kobrea, beruna, zilarra, burdina, zinka, merkurioa, titanioa.

Industria: zurgintza, beiragintza, kimika gaiak, elektronika.

Turismoa garrantzi handiko alorra da; Las Vegasko eta Renoko kasinoek etekin handia ematen diote estatuari.

Kanpo estekak

• (Ingelesez) Estatuaren webgune ofiziala
• (Ingelesez) Center for Basque Studies

• Datuak: Q1227
• Multimedia: Nevada / Q1227