Bill Gates

Bill Gates

(2023)
Irudi gehiago

Microsofteko zuzendari exekutibo

1975eko apirila - 2000ko urtarrila
← baliorik ez - Steve Ballmer →
Bizitza
Jaiotzako izen-deiturakWilliam Henry Gates III
JaiotzaSeattle, 1955eko urriaren 28a (68 urte)
Herrialdea Ameriketako Estatu Batuak
BizilekuaBill Gates's house (en) Itzuli
Familia
AitaBill Gates Sr.
AmaMary Maxwell Gates
Ezkontidea(k)Melinda Gates  (1994ko urtarrilaren 1a -  2021eko abuztua)
Seme-alabak
ikusi
  • Jennifer Katharine Gates
    Phoebe Adele Gates
    Rory John Gates
Anai-arrebak
ikusi
  • Kristianne Gates (en) Itzuli
    Libby Gates MacPhee (en) Itzuli
Hezkuntza
HeziketaLakeside School (en) Itzuli
(1968 - 1973)
Harvard College (en) Itzuli
(1973 - 1975) baliorik ez
Hizkuntzakingelesa
Jarduerak
Jarduerakekintzailea, programatzailea, filantropoa, informatikaria, asmatzailea, finantzaria, bridge jokalaria, inbertitzailea, aktorea, idazlea eta business magnate (en) Itzuli
Parte-hartzailea
  • commencement at the Harvard University (en) Itzuli
    commencement at the Stanford University (en) Itzuli
    World Economic Forum Annual Meeting 2014 (en) Itzuli
    World Economic Forum Annual Meeting 2013 (en) Itzuli
    World Economic Forum Annual Meeting 2015 (en) Itzuli
    World Economic Forum Annual Meeting 2016 (en) Itzuli
    World Economic Forum Annual Meeting 2017 (en) Itzuli
    World Economic Forum Annual Meeting 2019 (en) Itzuli
    World Economic Forum Annual Meeting 2022 (en) Itzuli
    Ice Bucket Challenge
Lateralitateaezkerra
Altuera1,77 metro
Enplegatzailea(k)Bill eta Melinda Gates Fundazioa
Microsoft
Jasotako sariak
ikusi
KidetzaArteen eta Zientzien Ameriketako Estatu Batuetako Akademia
Ingeniaritzako Akademia Nazionala
Chinese Academy of Engineering (en) Itzuli

IMDB: nm0309540 Allocine: 37247 TV.com: people/bill-gates
Facebook: BillGates Twitter: BillGates Instagram: thisisbillgates LinkedIn: williamhgates Youtube: UCnEiGCE13SUI7ZvojTAVBKw TED: bill_gates Musicbrainz: ef958680-aa07-48d2-8c81-4b9335a86bb9 Discogs: 1349328 Edit the value on Wikidata

William Henry "Bill" Gates III (Seattle, Washington, Ameriketako Estatu Batuak, 1955eko urriaren 28a), Bill Gates bezala ezagunagoa, enpresaburu eta filantropo estatubatuarra da, Microsoft softwarearen enpresaren kofundatzailea, munduan gehien erabiltzen den sistema eragilearen ekoizlea: Microsoft Windows. Estimazio batzuen arabera, hamar ordenagailutik bederatzik erabiltzen baitute sistema eragile hau. Melinda French da bere emaztea, eta biok batera Bill eta Melinda Gates Fundazioa] eramaten dute, mundu mailan osasun eta hezkuntza aukerak berrorekatzeaz arduratzen dena, aukera gutxiko eskualdeetan bereziki. Horren ondorioz, Kooperazio Internazionaleko Asturiasko Printze Saria jaso zuten 2006. urtean. 2021ean Forbes aldizkariaren munduko aberastsenen artean 4. postuan zegoen.[1]

Biografia

Seattlego Lakeside eskola pribatuan egin zituen bere ikasketak. Eskola honek 1968tik ordenagailu baten jabea zen, beraz, Bill Gatesek makina eta informatikako munduarekin oso gaztea zelarik izan zuen lehen aldiz gozatzeko aukera. Ez zuen denbora askorik behar izan ordenagailua erabiltzen jakiteko eta astebete bakarrik behar izan zuen bere irakaslea gainditzeko. Lakesiden bertan, Gaitesek Paul Allen ezagutu zuen, beranduago Microsoft sortuko zuenarekin. Softwareko Microsoft enpresa sortu zuen 1975ko apirilaren 4ean, oraindik Harvard Unibertsitateko ikaslea zelarik. 1976an unibertsitatea utzi egin zuen eta Albuquerquera joan zen, Altairreko egoitzara, enpresa horrekin ordenagailuentzako lengoaia baten, Basic lengoaiaren lagapena adosteko salmenten %50a arte. Hurrengo urtean, Apple enpresaren arrakastaren berri izan zuen eta, ondorioz, Basic-aren interpretatzaile bat behar zuela ohartu zen.

1980. urtean, Seattle-en IBMko bi ordezkariekin bildu zen. Ordezkari hauei DOS sistema eragilea saltzea lortu zuen, berak momentu horretan bere eskuetan ez izan arren eta ondoren programatzaile gazte bati erosi zion. IBMk sistema eragile hura Apple-ekin lehiatzeko behar zuen, eta horregatik negoziaketa malgua izan zen. Microsoft-ek DOSen lizentzia, mantentze eta beste enpresei birsaltzeko eskubideak gorde nahi izan zituen. IBMk onartu egin zuen, softwareak dibidenduak emango ez zituela pentsatu baitzuten. Egun batzuk beranduago, Microsoft-ek Tim Patersoni, Seattle Computer Productsen langilea, QDOS-en egile-eskubideak erosi zizkion, 50.000 dolarren truke. Ondoren, Microsoft-ek IBM-ri saldu zion MS-DOS (Microsoft DOS) bezala. Harritzekoa dena, IBMk ez zuela MS-DOS erosi, Microsoft-i IBM-PCrekin saldutako kopia bakoitzaren arabera kanon bat ordaintzea erabaki zuela baizik.

Apple Lisa ordenagailuak ingurune grafikoan erakutsi zuen garrantziaz jakinda (jatorriz interfaze grafikoa eta “sagua” Xerox PARCek garatu zituen), Microsoft-ek ingurune grafiko eta “sagua” lortzea proposatu zuten, hauekin operatzeko. Steve Jobsek, Apple-eko sortzailea, Macintoshen garapena hasi zenean, Bill Gatesek Apple enpresa bisitatu zuen. Kalkulu orriak eta bestelako programa batzuk hobetzea eskaini zuen. Bere informatikako materiala IBM-ri saltzearekin mehatxatu zuen, eta amaieran Apple-ekin erlazio estua izatea lortu zuen, Apple-Microsoft aliantza sortuz. Ondorioz, Microsoft-ek legalki lortu zuen ingurune grafikoaren eta saguaren teknologia, eta merkatura Microsoft Windows atera zuen, Macintoshen lehiakide zuzen bezala.

2000. urtearen hasieran, Microsoft Windows sistema eragilea (bere bertsio guztietan) planetako ordenagailuen gehienek erabiltzen zuten.

Forbes aldizkariak argitaratu duen aberastasun pertsonal handienen urteko zerrendan, Bill Gates zerrenda horretako hirugarren postuan agertzen da kokaturik, 56.000 milioi dolarreko ondasunekin balioetsia. 1994an, Leonardo da Vinciren eskuizkribu bat erosi zuen 25 milioi dolarren truke.

Microsoft enpresa prozesu judizial askotan murgildurik izan da, praktika monopolistikoengatik salatuta, kaletik ere epaitegiak enpresa zatitzea behartuko zutela bezalako hitzak entzuten zen arren, beste enpresa estatubatuar batzuekin hori bera gertatu baitzen iraganean. Salaketek programa konkretu batzuk bere sistema eragilearen arteko erlaziorekin tratatzen dute, eta gehiegikeri huts bezala ikusten da programa horiek dibertsifikatzeko garaian. Horietako adibide garbiak dira Internet Explorer, Windows Media Player edota Windows Messenger.

2006ko ekainaren 16an publikoki azaldu zuen Microsoft eguneroko lan bezala uzteko asmoa 2008rako, bere fundazioan inplikazio gehiagoz lan egiteko. Erantzukizun hauen trantsizioa progresiboki eman zen, enpresaren eguneroko garapenak eraspen negatiboak jasan ez zitzan, eta Ohorezko Presidente bezala gelditu zen. 2008ko ekainaren 27an Microsoften zituen ardura guztiak utzi eta enpresaren kontrola Steve Ballmeren eskuetan gelditu zen, baina hala ere, Bill Gatesek bere denboraren %70a Bill eta Melinda Gates Fundazioari eskainiko dio, eta gainerako %30 enpresari.

Erreferentziak

  1. Biain, Aitor. (2022-01-17). «Munduko hamar dirudun handienek pandemiaren aurretik halako bi dute» Berria CC BY-SA 4.0 lizentziapean.

Kanpo estekak

  • (Ingelesez) Bill Gatesen biografia ofiziala
  • (Ingelesez) Bill eta Melinda Gates Fundazioa
  • (Ingelesez) Forbes: Munduko pertsona aberatsenak
Autoritate kontrola
  • Wikimedia proiektuak
  • Wd Datuak: Q5284
  • Commonscat Multimedia: Bill Gates / Q5284

  • Wd Datuak: Q5284
  • Commonscat Multimedia: Bill Gates / Q5284